சாலை கடற்கரையில் இலங்கை படையினரின் புதிய ஏவுகணை தளங்கள் -லக்பிம வார ஏடு

முல்லைத்தீவு மாவட்டத்தில் உள்ள சாலை பகுதியில் விடுதலைப்புலிகள் கடல் மூலம் தரையிறங்கி தாக்குதலை மேற்கொள்ளலாம் என கடந்த வாரம் இலங்கை படையினரின் புலனாய்வுத்துறை எச்சரித்ததை தொடர்ந்து படையினர் கடற்கரை பகுதிகளில் புதிய ஏவுகணை தளங்களை நிறுவியுள்ளதாக லக்பிம வார ஏடு தெரிவித்துள்ளது இதுதொடர்பாக லக்பிம ஆங்கில வாரஏட்டில் தெரிவிக்கப் பட்டுள்ளவற்றின் முக்கிய பகுதிகள் பின்வருமாறு.. சாலை கடற்கரை பகுதியில் நிலை கொண்டுள்ள 55வது படையணியினர் மீது விடுதலைப்புலிகள் கடல்மூலம் தரையிறங்கி தாக்குதல்களை மேற்கொள்ளலாம் என கடந்தவாரம் படையினரின் புலனாய்வுத்துறை எச்சரிக்கையினை விடுத்திருந்தது இதனைத் தொடர்ந்து படையினர் கடற்கரை பகுதிகளில் புதிய ஏவுகணை தளங்களை நிறுவியுள்ளனர்.

இதேவேளை விடுதலைப்புலிகளின் பரப்பளவு குறைந்த வருமானத்தால் 57வது படையணியாக பேணுவதற்கு படைத்தரப்பு திட்டமிட்டுள்ளது. இந்த படையணி விஷ்வமடு மற்றும் கிளிநொச்சி பகுதிகளில் நிறுத்தப்பட்டுள்ளது புதுக்குடியிருப்புக்கு தென்பகுதியில் 59 மற்றம் 53வது டிவிசன்களும் நடவடிக்கை படையணி04 மற்றும் நடவடிக்கை படையணி08 என்பன நடவடிக்கையில் ஈடுபடுத்தப்பட்டு வருகின்றன.

ஏ36 நெடுஞ்சாலையின் வடபகுதியில் 55மற்றும் 58வது படையணிகள் நடவடிக்கையில் ஈடுபட்டு வருகின்றன. புதுக்குடியிருப்புக்கு தென்புறம் உள்ள பாதுகாப்பு படையினரின் நிலைகளை ஊடறுத்து காடுகளுக்குள் உட்புகுவதே விடுதலைப் புலிகளின் நோக்கம் அது நிறைவேறினால் இராணுவம் பாரிய நெருக்கடியை எதிர்கொள்ளலாம் என அதில் தெரிவிக்கப் பட்டுள்ளது.