நடிகை ரோஜாவின் போலி ஆபாச படம் கேபிள் டி.வி., எஸ்.எம்.எஸ். மூலம் பரவல்

ஆந்திரா தேர்தல் பிரசாரத்தில் பரபரப்பு


நடிகை ரோஜாவின் போலி ஆபாச படம் கேபிள் டி.வி.யில் ஒளிபரப்பாகியதுடன் எஸ்.எம்.எஸ். மூலமாகவும் பரப்பப்பட்டதால் ஆந்திர தேர்தல் பிரசாரத்தில் பெரும் பரபரப்பு ஏற்பட்டுள்ளது.
தெலுங்கு தேசம் கட்சியின் மாநில மகளிர் அணி தலைவியாகவும் சித்தூர் மாவட்டத்தில் உள்ள சந்திரிகிரி சட்டசபை தொகுதியில் கட்சியின் சார்பில் வேட்பாளராகவும் நிறுத்தப்பட்டுள்ள நடிகை ரோஜா, தெலுங்கு தேசம் கட்சிக்காக மாநிலம் முழுவதும் தேர்தல் பிரசார நடவடிக்கைகளில் மும்முரமாக ஈடுபட்டுள்ளார்.

இந்நிலையில் அவரது புகழுக்கு கேடு விளைவிக்கும் நோக்குடன் அவர் நடித்ததைப் போன்றதோர் ஆபாச படம் கடந்த வாரம் குறிப்பாக விசாகப்பட்டினம், விஜயவாடா, விஜயநகரம், அமலாபுரம், ஸ்ரீகாகுளம் ஆகிய பகுதிகளில் உள்ள கேபிள் டி.வி.களில் ஒளிபரப்பப்பட்டது.

5 நிமிடம் மட்டும் ஓடும் இந்த ஆபாபடத்தை தற்போது, அவரது எதிரிகள் சிலர் செல்போனில் எஸ்.எம்.எஸ். மூலமும் பரப்பி வருகின்றனர்.

இந்த படத்தில் நடிகை ரோஜா பூட்டிய அறைக்குள் பல ஆண்களுடன் தகாத உறவு கொள்வது போலவும், நீச்சல் குளத்தில் நீந்திக் குளிப்பது போலவும் காட்சிகள் அமைந்துள்ளன. இந்த படத்தை முதலில் பார்ப்பவர்களுக்கு அது நடிகை ரோஜா என்றே நினைக்கத் தோன்றும்.

எனினும் ஏற்கனவே தயாரிக்கப்பட்ட ஒரு படத்தில் நடிகை ரோஜாவின் முகத்தை கச்சிதமாக பொருத்தி அவரே நடித்துள்ள தைப் போன்று இப்போலி ஆபாசப்படம் தயாரிக்கப்பட்டுள்ளது.

இது பற்றி தெலுங்கு தேசம் கட்சி தலைவர்கள் கூறுகையில், இவ்வாபாச படம் மார்பிங் முறையில் போலியாக தயாரிக்கப்பட்டு இருக்கிறது. இந்த படத்தை முன்பு எங்கள் தலைவர் சந்திரபாபு நாயுடுவுக்கும் அனுப்பி வைத்தார்கள். அவர், அதை போலி என்று கண்டுபிடித்தார்.

தற்போது அதே படத்தை கேபிள் டி.வி.யில் வெளியிட்டும், எஸ்.எம்.எஸ். மூலம் பரப்பியும் எதிர்க்கட்சியினர் மலிவான அரசியல் ஆதாயம் தேட முயற்சிக்கிறார்கள் என்று குற்றம் சாட்டினார்கள்.

இந்த ஆபாச பட விவகாரம் குறித்து நடிகை ரோஜாவிடம் கேட்டபோது, இது மாதிரியான சதித்திட்டங்கள் மூலம் எனது அரசியல் வாழ்க்கையை யாராலும் முடித்து விடமுடியாது. விரைவில் தேர்தல் கமிஷனிடம் இது பற்றி புகார் செய்வேன் என்று கூறினார்.