பிரபாகரனை பாதுகாக்கும் நோக்கிலேயே நம்பியார் இலங்கைக்கு விஜயம் செய்துள்ளார் : விமல் வீரவன்ச

தமிழீழ விடுதலைப் புலிகளின் தலைவர் வேலுப்பிள்ளை பிரபாகரனை பாதுகாக்கும் நோக்கிலேயே ஐக்கிய நாடுகள் அமைப்பின் பொதுச் செயலாளர் பான் கீ மூனின் விசேட பிரதிநிதி விஜய் நம்பியார் இலங்கைக்கு விஜயம் செய்திருப்பதாக ஜே.என்.பி.யின் தலைவர் விமல் வீரவன்ச தெரிவித்துள்ளார்.

பிரபாகரன் படையினரிடம் சரணடைவதனைத் தடுத்து ஐக்கிய நாடுகள் அமைப்பிடம் சரணடைவதனை உறுதிப்படுத்தும் நோக்கில் இந்த விஜயம் அமையப் பெற்றுள்ளதாக அவர் சுட்டிக்காட்டியுள்ளார்.

இதன் மூலம் ஐக்கிய நாடுகள் அமைப்பினால் தமிழீழ விடுதலைப் புலிகளுக்கு அளிக்கப்பட்டு வரும் மறைமுக ஆதரவு அம்பலப்பட்டுள்ளதாக அவர் தெரிவித்துள்ளார்.

இலங்கைக்கான அமெரிக்கத் தூதுவர் ரொபர்ட் ஓ பிளெக் அண்மையில் இணைய தளமொன்றுக்கு வழங்கிய செவ்வியின் மூலம் பிரபாகரனை பாதுகாக்கும் ஐக்கிய நாடுகளின் திட்டத்தை விளங்கிக்கொள்ள முடியும் அவர் குறிப்பிட்டுள்ளார்.

சர்வதேச சக்திகளின் எந்தவிதமான அழுத்தங்களுக்கும் அடி பணிந்து யுத்த நிறுத்தம் மேற்கொள்ளப்படக் கூடாதென ஜே.என்.பி கட்சியின் தலைவர் விமல் வீரவன்ச மீண்டும் வலியுறுத்தியுள்ளார்.