வாகரையில் 3 இளைஞர்கள் ஆயுதங்களுடன் பாதுகாப்பு தரப்பினரிடம் சரண்

மட்டக்களப்பு மாவட்டம் வாகரைப் பிரதேசத்தில் விடுதலைப் புலி சந்தேக நபர்களான 3 இளைஞர்கள் தமது ஆயுதங்களுடன் பாதுகாப்பு தரப்பினரிடம் சரணடைந்துள்ளனர்.


அந்தப் பிரதேசத்தில் விடுதலைப் புலிகளுக்கு எதிரான நடவடிக்கைகளில் தற்போது ஈடுபட்டுள்ள இராணுவத்தினரிடம் இம்மூவரும் ஆயுதங்களுடன் சரணடைந்ததாக பாதுகாப்புத் தரப்புத் தகவல் மூலம் அறிய முடிகின்றது.

கொண்டையன்கேணியைச் சேர்ந்த கணபதிப்பிள்ளை அமரசிங்கம் (புகழேந்தி) வாகனேரியைச் சேர்ந்த பரமக்குட்டி சாமுவேல் (சரண்) முள்ளிவெட்டுவானைச் சேர்ந்த செல்லப்பா சிவானந்தன் (ராகுலன்) ஆகியோரே நேற்று இராணுவத்தினரிடம் சரணடைந்த நபர்கள் என பாதுகாப்பு தரப்பு தெரிவிக்கின்றது.

இவர்கள் ரி - 56 ரக துப்பாக்கிகள் - 03,கைக்குண்டுகள் - 03,கிளேமோர் -01 வெடிக்க வைக்கும் கருவிகள் - 03,டோர்ச் லைட் - 01 உட்பட ஆயுதங்களையும் பல்வேறு பொருட்களையும் கையளித்ததாகவும் கூறப்படுகின்றது.