இறுதி யுத்தத்தை செய்மதி மூலம் அவதானித்தது அமெரிக்கா போர்க் குற்றங்களுக்கான ஆதாரங்களாக அமையும்?

இலங்கை இராணுவத்துக்கும் விடுத லைப் புலிகளுக்கும் இடையிலான மோத லின் இறுதி நாள்களை செய்மதியூடாக அமெ ரிக்கா கண்காணித்தது எனச் செய்தி வெளி யிட்டுள்ள பிரிட்டனின் "த ரைம்ஸ்" பத்திரிகை, யுத்த குற்றங்களுக்கான ஆதாரங்கள் உள் ளனவா என்பதை உறுதிசெய்வதற்காக வாஷிங்ரன் இதனை ஆராய்ந்து வருகிறதுஎனவும் தெரிவித்துள்ளது.

இது தொடர்பாக "த ரைம்ஸ்" மேலும் தெரிவித்துள்ளவை வருமாறு:

அமெரிக்காவிடம் உள்ள செய்மதிப்படங்கள் உயர் பரிமாணம் கொண்டவை. ஐ.நா. மனித உரிமைக் கவுன்ஸில் அடுத்த வாரம் இலங்கை குறித்து ஆராயும்போது இலங்கையில் யுத்தக் குற்றங்கள் இடம்பெற்றனவா என்பதை உறுதிசெய்வதற்காக சர்வதேச வி சாரணைகள் இடம்பெறவேண்டுமென்பதை வலியுறுத்துவதற்கு இந்த செய்மதிப் படங்கள் பயன்படுத்தப்படலாம் என்று தெரிகிறது. பென்ரகனின் அமைப்பான என்.ஜி.ஏ. தன்னிடம் செய்மதிப் படங்கள் உள்ளதை ஏற்றுக்கொண்டுள்ளது.

இலங்கையின் மோதல் நடைபெற்ற பகுதிகளைத் தமது அமைப்பு கண்காணித்ததாகவும் அமெரிக்க வெளிவிவகார அமைச்சுக்கு இது தொடர்பான செய்மதிப் படங்களை வழங்கியதாகவும் என்.ஜி.ஏ. அமைப்பின் பேச் சாளர் மார்ஷல் ஹட்சன் தெரிவித்துள்ளார்.

யுத்தக் குற்றங்களுக்கான அமெரிக்க அலுவலகம் இலங்கை குறித்து ஆராய்ந்து வருவதாகத் தெரிவித்துள்ள அமெரிக்க அதிகாரிகள், மோதல் நடைபெற்ற பகுதிகளுக்குச் செல்ல முடியாததால் செய்மதிப் படங்கள் மிக முக்கியமானவை எனத் தெரிவித்துள்ளனர்.

பிரிட்டனும் ஐரோப்பிய ஒன்றிய நாடுகளும் இரு தரப்பினதும் மனித உரிமை மீறல்கள் குறித்து வி சாரணைகள் இடம்பெறவேண்டுமெனக் கோருகின்றன.
47 உறுப்பினர்களைக் கொண்ட ஐ.நா. மனித உரிமைக் கவுன்ஸிலில் 17 நாடுகள் மாத்திரமே இதற்கு ஆதரவளித்துள்ளன.

கடந்த வாரம் மனித உரிமை கவுன்ஸிலுக்கு மீண்டும் தெரிவு செய்யப்பட்ட வாஷிங்ரனிற்கு வாக்குரிமையில்லாத போதிலும் வி சாரணை நடைபெறவேண்டுமென அமெரிக்கா தீவிரமாக வாதிடும். தன்னிடமுள்ள ஆதாரங்களைப் பகிர்ந்து கொள்ளும் என இராஜதந்திர வட்டாரங்கள் தெரிவித்துள்ளன.

யுத்தக் குற்ற வி சாரணைகளுக்கான ஆதரவு கிடைக்கத் தவறும் பட்சத்தில் அமெரிக்கா தனது வி சாரணைகளுக்கான சான்றுகளாக செய்மதிப் படங்களைப் பயன்படுத்தலாம் என மனித உரிமை ஆர்வலர்கள் சுட்டிக்காட்டுகின்றனர்.
இலங்கை அரசு மோதல் நடைபெற்ற பகுதிகளுக்கு பத்திரிகையாளர்கள், மனிதாபிமானப் பணியாளர்கள் செல்வதை அனுமதிக்காததால் இது மிகவும் பெறுமதியான ஆதாரம் என்றும் அவை தெரிவித்துள்ளன.