முன்னாள் புலிகளால் புதைத்து / பதுக்கி வைக்கப்பட்டிருந்த 100 கிலோ தங்கநகை, 6.5 மில்லியன் ரூபா பணம் மீட்பு

முல்லைத்தீவு, வெள்ளைமுள்ளிவாய்க்கால் பகுதியில் இராணுவத்தினரால் நடத்தப்பட்ட சோதனை நடவடிக்கைகளின் போது முன்னாள் விடுதலைப் புலிகளால் மறைத்து வைக்கப்பட்டிருந்த 100கிலோகிராம் தங்க நகைகள் மற்றும் 6.5 மில்லியன் ரூபா பணம் போன்றன மீட்கப்பட்டுள்ளதாக என்று இராணுவ பேச்சாளர் தெரிவித்தார். வன்னிப் போரின் இறுதிகட்ட நடவடிக்கைகளின் போது பாதுகாப்பு வலயப் பகுதியில் மறைந்திருந்த புலிகள் இயக்கத்தின் முக்கியஸ்தர்களால் பெட்டிகளில் இடப்பட்டு புதைக்கப்பட்டிருந்த நிலையிலேயே இந்த நகைகள் மற்றும் பெருந்தொகையான பணம் போன்றன மீட்கப்பட்டதாகவும் அவர் தெரிவித்தார்.