ஒபாமா சொன்னதில் எதுவித தவறுமில்லை.

திபெத் சீனாவின் ஒரு பகுதி - ஒபாமா திடீர் அங்கீகாரம்


பெய்ஜிங்: திபெத் சீனா வின் ஒருங்கிணைந்த பகுதி என்று அமெரிக்க அதிபர் பாரக் ஒபாமா திடீரென அங்கீகாரம் அளித்துள்ளார்.


சீனாவில் விஜயம் செய்து வரும் ஒபாமா பெய்ஜிங்கில் சீன அதிபர் ஹூ ஜின்டாவோவை சந்தித்தார். அப்போது அவர் கூறுகையில், சீனாவின் ஒருங்கிணைந்த பகுதி திபெத் என்பதை நாங்கள் அங்கீகரிக்கிறோம். அதேசமயம், சீனாவுக்கும், திபெத்த்கும் இடையிலான பிரச்சினைகளைத் தீர்த்துக் கொள்வதற்கு விரைவில் பேச்சுவார்த்தைகள் தொடங்க வேண்டும் என்பதையும் அமெரிக்கா விரும்புகிறது.


இந்தத் தலைமுறையின் மிகப் பெரிய பொருளாதார நெருக்கடியிலிருந்து அமெரிக்கா மீளுவதற்கு சீனாவின் ஒத்துழைப்பும் உதவியுள்ளது என்றார்.


பின்னர் ஹூ பேசுகையில், சீனாவின் இறையாண்மை குறித்த விவகாரங்களில் அமெரிக்கா சிறப்பான நிலையை வெளிப்படுத்தியுள்ளது மகிழ்ச்சி தருகிறது. இதற்காக அதிபர் ஒபாமாவை நாங்கள் பாராட்டுகிறோம்.


ஒரே சீனா என்ற தத்துவத்தை அமெரிக்க அதிபர் வலியுறுத்துவதையே திபெத் குறித்த அவரது கருத்து வெளிப்படுத்துகிறது என்றார்.


முன்னதாக சமீபத்தில் தலாய் லாமா வாஷிங்டன் வந்தபோது அவரை பார்க்க மறுத்து விட்டார் ஒபாமா என்பது குறிப்பிடத்தக்கது.


இந்த நிலையில் திபெத்தை சீனாவின் ஒருங்கிணைந்த பகுதியாக அமெரிக்கா அங்கீகரித்துள்ளது புதிய திருப்பத்தை ஏற்படுத்தியுள்ளது.


Thatstamil