ஒரே நாளில் 20 குழந்தைகள் பிறந்து சாதனை

கடந்த 30ஆம் திகதியன்று ஈரோட்டில் உள்ள சுதா ஹை டெக் ஐ.வி.எப். மருத்துவமனை மருத்துவமனை ஒன்றில் ஒரே நாளில் 20 சோதனைக் குழாய்குழந்தைகள் பிறந்து புதியசாதனை படைக்கப்பட்டுள்ளது.

இவர்களில் பல ஆண்டுகளாக குழந்தைகளில்லாதிருந்த கோவிந்தசாமி (58 வயது)  சரோஜாதேவி (வயது 51) தம்பதியினருக்கும் சோதனைக் குழாய் மூலம் இரட்டைக் குழந்தைகள் பிறந்துள்ளன.

மேற்படி 20 குழந்தைகளின் தாய்மார்கள் கடந்த 30ஆம் திகதி கந்தசஷ்டி தினமானதால் குழந்தைகள் அன்றே பிறக்க வேண்டும் என விரும்பியதையடுத்து அனைவருக்கும் அறுவை சிகிச்சை மூலம் பிரசவம் நடைபெற்றது.

குறித்த தினத்தன்று காலை 5 மணிக்கு ஆரம்பமாகிய அறுவை சிகிச்சைகள் இரவு 10 மணி வரை தொடர்ந்தன. அன்று பிரசவத்திற்கு உட்பட்ட தாய்மார்கள் 35 வயது முதல் 51 வயது வரை உடையவர்கள்.

இதில் 8 தாய்மார்களுக்கு இரட்டைக் குழந்தைகள் பிறந்துள்ளன.