15 வயது தாயின் குழந்தைக்கு தந்தையென உரிமை கோரும் மூன்று சிறுவர்கள்

15 வயதான காதலியுடனான காதல் தொடர்பின் மூலம் தான் குழந்தையொன்றுக்கு தந்தையாகியுள்ளதாக 13 வயது சிறுவன் அல்பி பட்டன் உரிமை கோரி பரப ரப்பை ஏற்படுத்திய நிலையில், அச்சிறுவனின் காதலியான சண்டெல்லா ஸ்ரெட்மானுடன் தமக்கும் காதல் தொடர்பு இருந்ததாக மேலும் இரு சிறுவர்கள் உரிமை கோரியுள்ளனர்.
றிச்சர்ட் குட்ஸெல் (16 வயது), ரைலர் பார்க்கர் (14 வயது) ஆகிய சிறுவர்களே மேற்படி அதிர்ச்சித் தகவலை வெளியிட்டுள்ளனர்.

சமையல் கலைப்பயிற்சியாளராக கடமையாற்றும் றிச்சர்ட் குட்ஸெல் விபரிக்கையில், ஈஸ்ட் சஸெக்ஸிலுள்ள சண்டெல்லாவின் வீட்டில் வைத்து அவருடன் படுக்கையை பகிர்ந்து கொண்டதாகவும், அதனையடுத்தே சண்டெல்லா கர்ப்பமடைந்ததாகவும் கூறினார்.

""நானே சண்டெல்லாவின் குழந்தைக்கு தந்தையாக இருக்கலாம் என நம்புகிறேன்.

அனைவரும் நானே அக்குழந்தையின் தந்தை ""நாங்கள் நல்ல பெற்றோர்களாக இருப்போம். பாடசாலைக் கல்வி தொடர்பில் நான் மேலதிகமாக கஷ்டப்பட வேண்டியிருக்கும்'' என அல்பி தெரிவித்தான்.

அல்பி தான் தந்தையான அனுபவம் குறித்து விபரிக்கையில், ""நான் நினைத்ததைவிட அது இலகுவாக இருந்தது'' என்று கூறினார்.

இந்த இளம் காதல் ஜோடியின் விவகாரத்தால் பிரித்தானிய அரசாங்கமே ஆடிப் போயுள்ளது.

பிரதமர் கோர்டன் பிறவுண் விபரிக்கையில், ""இள வயதினர் கர்ப்பமடைவதை தடுக்க நாம் அனைவரும் விரும்ப வேண்டும் என நான் நினைக்கிறேன்'' என்று கூறினார்.

இந்நிலையில் அல்பியினதும் சண்டெல்லாவினதும் பெற்றோர்கள் கடும் குற்றச்சாட்டுக்கு ஆளாகியுள்ளனர்.

அல்பிக்கும், சண்டெல்லாவுக்கும் நட்புறவு இருந்தது தமக்குத் தெரியும் எனத் தெரிவித்த இருவரதும் பெற்றோர்கள், ஆனால் அது பாலியல் தொடர்பாக இருக்கும் என்பதை தாம் அறியவில்லை என்று கூறினர்.

அல்பி தனது தாயாரான நிகோலாவுடன் (43 வயது) ஹெய்ல்ஷாம் எனும் இடத்திற்கு அருகிலுள்ள வீட்டில் வாழ்ந்து வருகின்றான்.

நிகோலா, அல்பியின் தந்தையான டெனிஸிடமிருந்து (45 வயது) பிரிந்து வாழ்கின்றமை குறிப்பிடத்தக்கது.

டெனிஸ் தனது மகனின் காதல் தொடர்பு குறித்து விபரிக்கையில், ""நாம் அவர்களை சிறு குழந்தைகளாகவே நினைத்தோம்.

இந்தச் செய்தி ஏனையவர்களை விட எமக்கே அதிர்ச்சி தருவதாக உள்ளது'' என்று கூறினார்.

இந்நிலையில் சண்டெல்லாவுடன் ஏனைய 3 சிறுவர்கள் இரவு நேரத்தைக் கழித்ததாக அயலவர்கள் தெரிவித்ததாக சில பத்தி?கைகள் செய்தி வெளியிட்டுள்ளன.

எனினும், இச்செய்திகள் தொடர்பில் சண்டெல்லாவின் தாயார் மறுப்பு தெரிவித்துள்ளார்.