1738 அடி நீளமான உலகின் மிகப் பெரிய ஸோசேஜ் (sausage) உணவு

1738 அடி (530 மீற்றர்) நீளமான உலகின் மிகப் பெரிய "ஸோசேஜ்' உணவைத் தயாரித்து குரோஷிய நாட்டு மக்கள் சனிக்கிழமை புதிய உலக சாதனை படைத்துள்ளனர்.
குரோஷிய நகரான வின்கோவ்சியை சேர்ந்த நூற்றுக்கணக்கான மக்கள் கூடி 400 கிலோகிராம் பன்றி இறைச்சி, 10 கிலோகிராம் உப்பு, 2.5 கிலோகிராம் மசாலா மற்றும் 3.5 கிலோ கிராம் வெள்ளைப்பூடு என்பவற்றைப் பயன்ப டுத்தி இந்த உணவை தயாரித்துள்ளனர்.

இந்த உணவை 3000 பேரிடையே பங்கிடப்பட்டுள்ளது.

எதிர்வரும் வருடம் 1000 மீற்றர் நீளமான நீண்ட ஸோசேஜ் உணவைத் தயாரிக்க வின்கோவ்சி நகர மக்கள் திட்டமிட்டுள்ளனர்.

இதற்கு முன்னைய உலக சாதனையாக கின்னஸ் சாதனைப் புத்தகத்தில் கடந்த டிசம்பர் மாதம் ரோமானியாவில் தயா?க்கப்பட்ட 392 மீற்றர் நீளமான ஸோசேஜ் உணவு இடம்பிடித்துள்ளமை குறிப்பிடத்தக்கது.