உலகின் மிக நீளமான நகங்களை விபத்தில் பறிகொடுத்த பெண்மணி

உலகின் மிகவும் நீண்ட நகங்களையுடையவர் என கடந்த ஆண்டு கின்னஸ் உலக சாதனைப் புத்தகத்தில் இடம்பிடித்த லீ ரேமண்ட் (Lee Redmond), கார் விபத்தொன்றில் தனது நகங்களை இழந்துள்ளார்.
அமெரிக்க சால்ட் லேக் நகரில் இடம்பெற்ற விபத்தில் நகங்களை இழந்த லீ ரேமண்ட் உயிராபத்து நிலையை தாண்டியுள்ளதாக கூறப்படுகிறது.

1979 ஆம் ஆண்டு முதல் நகங்களை வெட்டாது லீ ரேமண்ட் வளர்த்து வந்துள்ளார்.

கடந்த ஆண்டு கின்னஸ் சாதனை புத்தகத்தில் இடம்பெற்ற சமயம் அவரது நகங்களின் மொத்த நீளம் 28 அடியாகும். அத்துடன் அவரது நகங்களில் மிக நீளமான நகமான வலது பெருவிரல் நகத்தின் நீளம் 2 அடி 11அங்குலமாகும்.