கல்விக்காக கன்னித் தன்மையை ஏலத்தில் விட்டுள்ள ரோமானிய யுவதி (வீடியோ இணைப்பு)

கல்லூரி கட்டணத்தை செலுத்த வசதியின்மையால் ரோமானியாவைச் சேர்ந்த 18 வயது யுவதியொருவர் தனது கன்னித் தன்மையை 50,000 ஸ்ரேலிங் பவுனுக்கு இணையத்தளம் மூலம் ஏலத்தில் விட்டு பரபரப்பை ஏற்படுத்தியுள்ளார்.
தனது கன்னித் தன்மையை நிரூ பிப்பதற்கான மருத்துவ சான்றிதழ் தன்னிடமுள்ளதாக அலினா பேர்சியா என்ற மேற்படி யுவதி ஜேர்மனிய இணையத்தளம்மூலம் செய்யப்பட்ட விளம்பரத்தில் குறிப்பிட்டுள்ளார்.

அவர் ரோமானியாவின் பண்டைய நகரமான கராகலைச் சேர்ந்தவராவார்.

இந்த ஏலவிற்பனையின் மூலம் தனது எதிர்கால கணவராக வரக் கூடிய கண்ணியமும் மரியாதையும் மிக்க ஒரு மனிதரை சந்திக்க முடியும் என்பதில் தான் நம்பிக்கை கொண்டுள்ளதாக அலினா பேர்சியா தெரிவித்தார்.

இந்த ஏல விற்பனையில் வெற்றி பெறுபவர் வார இறுதி நாட்களை தன்னுடன் கழிக்க முடியும் எனவும் ஆனால் எங்காவது சுற்றுப் பயணம் செய்யவோ அன்றி ஹோட்டல் ஒன்றில் தங்கவோ விரும்பினால் அதற்கான பணத்தையும் அந்நபரே செலவிட வேண்டும் எனவும் அலினா பேர்சியா கூறினார்.

கடந்த ஜனவரி மாதம் அமெரிக்க கலிபோர்னியா மாநிலத்தைச் சேர்ந்த 22 வயது மாணவியொருவர், தனது முதுமாணி கற்கை நெறிக்காக தனது கன்னித் தன்மையை ஏலத்தில் விட்டிருந்தார்.

இந்த ஏல விற்பனையில் சுமார் 10,000 ஆண்கள் பங்கேற்றிருந்தனர்.