இலங்கை தமிழர்கள் தொடர்பாக வெளியாகவுள்ள இறுவட்டால் பரபரப்பு - கலக்கத்தில் திணறுகிறது தி.மு.க.

இலங்கையில் தமிழர்கள் மரணிக்கும் காட்சிகளையும், அது தொடர்பாக தமிழக காங்கிரசார் வெளியிட்ட கருத்துக்களையும் மற்றும் தி.மு.க. தலைவர் கருணாநிதியின் பேட்டி ஆகியவற்றை கொண்ட இறுவட்டொன்றை தமிழகம் முழுவதும் வெளியிட எதிர்கட்சிகள் மேற்கொண்டுள்ள முயற்சி தி.மு.க. கூட்டணியில் பெரும் கலக்கத்தை ஏற்படுத்தியுள்ளது. மேற்படி இறுவட்டு இலங்கையில் அப்பாவி தமிழர்கள் கொல்லப்படுவதை எடுதுக் காட்டுகின்றது. இதில் தமிழர் விவகாரம் தொடர்பாக தமிழக காங்கிரஸ் கட்சி தலைவர்கள் அளித்த பேட்டி மற் றும் தமிழக முதல்வர் கருணாநிதியின் பேட்டியும் இருப்பதாகத் தெ?கிறது.

இலங்கை தமிழர்கள் விவகாரத்தில் அலட்சியப் போக்கையும், இராணுவத்துக்கு உதவும் வகையில் நடந்து கொண்டதாக குற்றஞ்சாட்டப்பட்டுள்ள காங்கிரசுக்கு எதிரான பிரச்சாரத்துக்கு உதவும் வகையில் இந்த இறுவட்டு தயாரிக்கப்பட்டுள்ளது.

இதை கண்டுபிடித்துவிட்ட உளவுத்துறையும், தி.மு.க. தலைமையும் இதற்கு எப்படி பதிலடி கொடுக்கலாம் என ஆலோசித்து வருகின்றன.