புலிகள் அமைப்புக்குள்ளே புதிய வெடிப்புக்கள் பலவிதம் இதை உடனுக்குடன் தீர்ப்பது அவசியம்

இன்று வெளிநாட்டு வியாபாரப்புலிகள் மேற்கொண்ட பிழையான நடமுறைகளை எதிர்த்து நிற்கும் புலிகளின் விசுவாச புலிகளின் கைகள் ஓங்கியுள்ளதால் பணபிரச்சனை, பதவிப்பிரச்சனை, வசூல்பண பிரிவுப் பிரச்சனை, முதலீட்டுப்பண பிரச்சனை என்று பல வழிகளில் பிரச்சனைகள் தலைதூக்கி வருகின்றது என்றும் தெரியவருகின்றது.

இதில் மக்கள் மீது ஆர்வங்கொண்டவர்கள் எந்த பிரச்சனைக்களும் தாம் மாட்டுப்படாது தமது கடமையை மட்டுமே செய்து வருகின்றார்கள் என்பதும் குறிப்பிடத்தக்கது. இன்று புலம்பெயர்ந்த நாடுகளில் புலிகளின் நிர்வாகத்தை கட்டிகாத்துவந்த உறுப்பினர்களிடையே உள்மோதல் பலமாக பணத்திற்காககவே தான் வெடித்துள்ளதாக செய்திகள். உள்மோதல் புலிகளின் பிளவுபட்டுள்ள அணியினரில் எந்த பிரிவை சார்வது என்ற அடிப்படையிலும், புலிகளின் சொத்துக்களை யார் பொறுப்பேற்பது என்ற அடிப்படையிலும் மோதல்கள் கிழம்பி உள்ளதாகவும் இதனால்; ஒருசில இடங்களில் கைகலப்பு ஏற்பட்டுள்ள தாகவும் பணம் வசூல் செய்தவர்கள் பலமோசடிகள் செய்ததாகவும் வெளியாகிக்கொண்டு வரும் தகவல்கள் அதிகம்.

இதில் எந்தளவு உண்மைகள் உண்டு என்று இதுவரை புலிகளின் தற்காலிய தலமைகள் கருத்துத் தெரிவிக்காதது பெரும் ஆபத்தை உருவாக்கும் என்று மண்மீதும் மக்கள் மீதும் மட்டும் ஆர்வம் கொண்டவர்கள் சுட்டிக் காட்டுவருவது குறிப்பிடத்தக்கது என்று தமிழ் ஏடு ஆசிரியர் மேலும் தனது கருத்தை முன்வைத்துள்ளார்.

பல சம்பவத்தையடுத்து ஒருசாரார் மறுபகுதியினருக்கு எதிராக மிரட்டல் துண்டு பிரசுரங்களையும் வெளியிட்டு வருவதுடன் தொடர்ந்தும் மிரட்டல் பாணியில் தமது நடவடிக்கைகளை முன்னெடுக்கவும் முயன்று வருவதாக தெரியவருகின்றது. வன்னியில் புலிகளின் ஒட்டுமொத்தமான தலைமையே அழிந்துள்ள நிலையில் மிரட்டல்களுக்கும், அநாகரீக துண்டு பிரசுரங்கள் பற்றி; எவரும் பொருட்படுத்தியதாக தெரியவில்லை எனினும் இன்று உடனுக்கு உடன் பிரச்சனைகள் கையாளுவது பிரதிகளின் கடமை என்பது சுட்டிக்காட்டப்பட்டுள்ளது.