சோனியாவைப் பார்த்துப் பாட்டுப் பாடிய லல்லு பிரசாத் யாதவ்

முன்னாள் மத்திய ரெயில்வே மந்திரியும், ராஷ்டிரீய ஜனதா தளம் கட்சியின் தலைவருமான லல்லு பிரசாத் பாராளுமன்றத்தில் நகைச்சுவையாக பேசும் வழக்கம் கொண்டவர். அவரது கட்சி பராளுமன்ற தேர்தலில் எதிர் பார்த்த அளவு வெற்றிபெறவில்லை. இதனால் காங்கிரஸ் கட்சித் தவைர்கள் அவரைக் கண்டுகொள்ளவில்லை.

தேர்தல் தோல்வியால் கவலையுடன் காணப்பட்டாலும் கூட, லல்லுவின் நகைச்சுவை சுபாவம் அவரை விட்டு அகன்று விடவில்லை. காங்கிரசார் தனக்கு கைகொடு க்காதது பற்றி நேற்று முன்தினம் பாராளுமன்றத்தில் அவர் பாட்டு பாடி கிண்டல் செய்தார்.

முன்பு ஒருவர் செய்த உதவிகளை யாரும் மறந்துவிடக் கூடாது என்பதை நினைவுபடுத்தும் விதமாக பிரபல இந்தி சினிமா பாடலான ‘ஜப் மத்லாப் நிகால் கயா தோ பெஞ்சன்ட் நகின்’ (உங்கள் வேலை முடிந்ததும் என்னை மறந்துவிட்டீர்களே) என்ற பாடலை லல்லு பிரசாத், தனக்கே உரிய பாணியில் பிரதமர் மன்மோகன் சிங், காங்கிரஸ் தலைவர் சோனியாகாந்தி ஆகியோரைப் பார்த்தவாறே பாடினார்.