சவூதியில் பஸ் விபத்து இலங்கையர் ஐவர் பலி!

சவூதி அரேபியாவில் இடம்பெற்ற பஸ் விபத்தில் ஐந்து இலங்கையர்கள் உட்பட பத்தொன்பது பேர் கொல்லப்பட்டனர். இச்சம்பவம் கடந்த வியாழக்கிழமை இரவு இடம்பெற்றது.


சவூதியில் கடமைபுரியும் பணியாளர்களை ஏற்றிச் சென்று கொண்டிருந்த பஸ் வண்டியொன்று ட்ரக்குடன் மோதியபோது பஸ் தீப் பற்றி எரிந்ததையடுத்தே இந்த அனர்த்தம் நிகழ்ந்தது.

குறிப்பிட்ட பஸ்ஸின் அனைத்து கதவுகளும், ஜன்னல்களும் மூடப்பட்டிருந்ததால் இதில் பயணம் செய்தவர்கள் எவரும் தப்பியிருக்க முடியாதென அறிவிக்கப்பட்டுள்ளது.

இந்த விபத்து றியாத் தமாம் வீதியில் இடம்பெற்றுள்ளது. விபத்தில் சவூதி அரேபியா இந்தியா, இலங்கை, யெமன், சூடான், எகிப்து, பங்களாதேஷ் ஆகிய நாடுகளை சேர்ந்தோரே உயிரிழந்தனர்.