பராக் ஒபாமாவின் ஆண்டு சம்பளம் 2 1/2கோடி ரூபா

அமெரிக்க ஜனாதிபதி பராக் ஒபாமாவுக்கு எவ்வளவு சம்பளம் நிர்ண யிப்பது என்று கடந்த சில தினங்களாக ஆலோசனை நடந்து வந்தது. பொரு ளாதார மந்த நிலையை கருத்தில்கொண்டு ஒபாமாவுக்கும், வெள்ளை மாளிகை ஊழியர்களுக்கும் சம்பளத்தை ஓரளவு உயர்த்த முடிவு செய்யப்பட்டது.

நீண்ட ஆலோசனைக்குப் பிறகு புதிய சம்பளப் பட்டியல் தயாரிக்கப்பட்டது. அதற்கு அமெரிக்க பாராளுமன்றம் ஒப்புதல் வழங்கியது.

இந்தப்பட்டியல் படி ஒபாமாவுக்கு ஆண்டு ஒன்றுக்கு 2 கோடியே 65 இலட்சம் ரூபாய் சம்பளம் வழங்கப்படும். மற்ற அலவன்சுகள் தனியாக கொடுக்கப்படும். வெள்ளை மாளிகை இணையத்தளத்தில் இந்த தகவல் வெளியாகி உள்ளது.

ஒபாமா உத்தரவுப்படி செயலாற்றும் வெள்ளை மாளிகை அதிகாரிளுக்கும் ஊழியர்களுக்கும் சம்பளம் உயர்வு அளிக்கப்பட்டுள்ளது. அதிகாரிகளில் 487 பேருக்கு சம்பள உயர்வு அதிகமாக உள்ளது.

மூத்த அதிகாரிகள் பலருக்கு ஆண்டு சம்பளம் ஒரு கோடி ரூபாய் வரை நிர்ணயிக்கப்பட்டுள்ளது.

1995ம் ஆண்டுக்குப் பிறகு தற்போது தான் சம்பள உயர்வு அதிக விகிதத்தில் உயர்த்தப்பட்டு இருப்பதாக சிகாகோசன் டைம்ஸ் பத்திரிகை செய்தி வெளியிட்டுள்ளது.