பொன்சேகா, ரணில் தங்கியுள்ள விடுதி நள்ளிரவில் முற்றுகை; சதிப் புரட்சியைத் தடுக்கவாம்

கொழும்பில் சரத் பொன்சேகாவும் அவரது குடும்பத்தினரும் ஐ.தே.க தலைவர் ரணில் விக்கிரமசிங்கவும் தங்கியிருக்கும் ட்ரான்ஸ் ஏசியா விடுதி செவ்வாய் நள்ளிரவில் முதல் சுற்றிவளைக்கப்பட்டுத் தேடுதல் நடத்தப்பட்டு வருவதாக தகவல்கள் தெரிவிக்கின்றன.


நள்ளிரவு நேரத்தில் நூற்றுக்கணக்கான படையினர் ட்ரான்ஸ் ஏசியா விடுதியைச் சுற்றிவளைத்திருப்பதாகவும், அங்கு தங்கியுள்ள உள் நாட்டவர்கள் மற்றும் வெளி நாட்டவர்கள் சோதனைக்கு உட்படுத்தப்படுவதாகவும் தெரிய வருகிறது.


யாருடைய உத்தரவின் பேரில் சரத் பொன்சேகா தங்கியுள்ள விடுதியை இராணுவத்தினர் முற்றுகையிட்டுள்ளனர் என்பது பற்றிய தெளிவான தகவல்கள் எதுவும் வெளிவரவில்லை.


அதே வேளை, இது சிறிலங்காவின் அரசியலில் தலையீடு செய்வதற்கான இராணுவத்தின் முயற்சியாக இது இருக்கலாம் என்று சிட்னி மோர்னிங் ஹெரோல்ட் பத்திரிகை செய்தி வெளியிட்டுள்ளது.


இது தொடர்பாகத் தெரிவித்த இராணுவ உயர் தளபதி ஒருவர் - தனக்கு விசுவாசமன ஆட்களை வைத்து பொன்சேகா சதிப் புரட்சி எதனையும் செய்துவிடாது தடுப்பதற்காகவே இந்த முன்னேற்பாடு என்று தெரிவித்துள்ளார்.