விசுவமடுவில் எறிகணைத் தாக்குதல் : கைக்குழந்தையும் 6 சிறுவர்கள் உட்பட 9 பேர் பலி; 33 பேர் காயம்

முல்லைத்தீவு மாவட்டத்தில் உள்ள விசுவமடு பகுதி மீது நடத்திய எறிகணைத் தாக்குதலில் ஒரே குடும்பத்தைச் சேர்ந்த 8 மாதக் குழந்தையும் 2 சிறுவர்களுமாக 6 பேர் உட்பட 9 பேர் கொல்லப்பட்டுள்ளதுடன் 33 பேர் படுகாயமடைந்துள்ளனர்.
விசுவமடுவில் பொதுமக்கள் குடியிருப்புக்கள் மீது நேற்று ஞாயிற்றுக்கிழமை காலை 8:00 மணியளவில் எறிகணைத் தாக்குதல் நடத்தப்பட்டது..
இதில் ஒரே குடும்பத்தைச் சேர்ந்த 6 பேர் உட்பட 9 பேர் கொல்லப்பட்டுள்ளதுடன் 33 பேர் படுகாயமடைந்துள்ளனர். கொல்லப்பட்டவர்களில் கைக்குழந்தையும் 6 சிறுவர்களும் அடங்குவர்.
காயமடைந்தவர்களில் 14 மாதக் குழந்தையும் ஒன்றரை வயதுக் குழந்தையும் உட்பட 6 சிறுவர்களும் அடங்குவர்.

 

வீரகேசரி