கேப்பாபுலவு பகுதியில் கரும் புலிகள் தாக்குதல்

வன்னியில் கேப்பாபுலவு பகுதியில் படையினரின் முன்னரங்கு நிலைகள் மீது கரும்புலிகள் தாக்குதல் நடத்தியதாக புதினம் இணையத்தளம் செய்தி வெளியிட்டுள்ளது.

அதில் மேலும் தெரிவிக்கப்பட்டுள்ளதாவது, முல்லைத்தீவு மாவட்டம் புதுக்குடியிருப்புக்கும் முள்ளிவளைக்கும் இடையில் உள்ள கேப்பாபுலவு என்ற இடத்தில் முன்னேறி நிலை கொண்டிருந்த படையினரின் நிலைகள் மீது நேற்று செவ்வாய்க்கிழமை வெடி மருந்து நிரப்பப்பட்ட ஊர்தி மூலம் இரண்டு கரும்புலிகள் தாக்குதல் நடத்தியுள்ளனர்.

இத் தாக்குதலின் போது லெப். கேணல் குயில் வண்ணன் என்று அழைக்கப்படும் சிவலிங்கம் சிவராஜா, மேஜர் புலிவேந்தன் என்று அழைக்கப்படும் வவுனியா, நெடுங்கேணியைச் சேர்ந்த தியாகராஜா தமிழ்ச்செல்வன் ஆகிய இரு கரும்புலிகள் உயிரிழந்துள்ளனர். படையினருக்கு ஏற்பட்ட இழப்பு விவரம் எதுவும் இதுவரை கிடைக்கப் பெறவில்லை.