16 வயதுக்குள் 17 இருதய சத்திரசிகிச்சைகள்

ஒரேயொரு தடவை இருதய அறுவை சிகிச்சை செய்து கொள்வதற்கே பலரும் அஞ்சி பின்வாங்குகின்ற சூழ்நிலையில், பிரித்தானியாவைச் சேர்ந்த 16 வயது சிறுமி சாரா ஹெஸெல்குரோவ் 17 இருதய அறுவை சிகிச்சைகளை துணிச்சலு டன் எதிர்கொண்டு சாதனை படைத்துள்ளார்.
இருதய நோயுடன் உரிய பிரசவ காலத்திற்கு 5 வாரங்கள் முன்னதாக சாரா பிறந்தபோது, அவர் 7 நாட்களுக்கு அதிகமாக உயிர் வாழும் சாத்தியமில்லை என்றே கருதப்பட்டது.

எனினும் மருத்துவர்களின் அயராத முயற்சியின் பயனாக தற்போது இயல்பு வாழ்க்கை வாழும் நிலைக்கு அவர் முன்னேற்றம் கண்டுள்ளார்.

சாரா பிறந்து 3 மாத காலத்தில் அவரது இருதய துவாரத்தை அடைப்பதற்கான சத்திரசிகிச்சை மேற்கொள்ளப்பட்டது. அவர் தனது இரு வயதுக்குள் மட்டும் 10 இருதய அறுவை சிகிச்சைகளை எதிர்கொள்ள நேர்ந்தது.