விமானத்தில் பெண் மீது சிறுநீர் கழித்தவருக்கு ஜெயில் தண்டனை

அமெரிக்காவில் உள்ள ஹவாய் தீவை சேர்ந்த பெண் ஒருத்தி லாஸ் ஏஞ்சல்ஸ் நகருக்கு விடுமுறையை கழிப்ப தற்காக சென்றுவிட்டு அங்கு இருந்து விமானத்தில் ஹானலூலு நகருக்கு திரும்பிக்கொண்டு இருந்தார்.

66 வயதான அவர் அருகே 28 வயது ஜெரோம் கென்னத் கிங்ஜியோ என்பவர் உட்கார்ந்து இருந்தார். அவர் வடக்கு மரியானா தீவைச் சேர்ந்தவர் ஆவார்.

இரவு நேரத்தில் அந்த பெண் விமானத்தில் காட்டப்பட்ட சினிமாவை பார்த்துக்கொண்டு இருந்த போது, கிங்ஜியோ எழுந்து நின்று கொண்டு அந்த பெண் மீது சிறுநீர் கழித்தார்.

விமானத்தில் அவர் மது குடித்து இருந்ததால், என்ன செய்கிறோம் என்பது தெரியாமல் இப்படி நடந்து கொண்டார்.

அந்த பெண் கூச்சல் போட்டதை தொடர்ந்து விமான சிப்பந்திகள் அவரை குளியல் அறைக்கு அழைத்து சென்று சுத்தம் செய்தனர்.

இருந்தபோதிலும், அவர் மனதளவில் பாதிக்கப்பட்டு இருந்தார். விமானம் தரை இறங்கியதும், கிங்ஜியோ கைது செய்யப்பட்டார். அவர் மீது கோர்ட்டில் வழக்கு தொடரப்பட்டது. கோர்ட்டில் அவருக்கு 3 வாரம் ஜெயில் தண்டனை விதிக்கப்பட்டது.