பரமேஸ்வரன் குறித்த சர்ச்சை: அதிர்வின் கண்ணோட்டம்

பரமேஸ்வரன் உண்ணாவிரதச் சர்ச்சை தொடர்பாக அதிர்வு இணையம் இச் செய்தியை சரிவரக் கையாளவில்லை என அதிர்வு இணையம் மீது குறைகூறி இணையத்தளம் ஒன்று கட்டுரை ஒன்றை வெளியிட்டுள்ளது. அத்துடன் சில வாசகர்கள் இச் செய்தி தொடர்பாக தமது ஆதரவையும் , எதிர்ப்பையும் வெளிப்படுத்தி இருந்தனர். நாம் அனைவரது கருத்துக்களையும் உள்வாங்கியுள்ளோம். பொறுப்புள்ள ஊடகம் என்ற வகையில் நாம் அதற்கு பதில்கூறக் கடமைப்பட்டுள்ளோம். தமிழ் வெல்க என்ற பொருட்பட இயங்கும் பிரபல இணையத்தளம் ஒன்றில் மதிப்பிற்குரிய அன்பர் கீர்த்திகன் என்பவர் அதிர்வு இணையம் குறித்த ஒரு கட்டுரை ஒன்றை நேற்றைய தினம் எழுதியிருந்தார். அதில் அவர் மிகவும் நாகரீகமாகவும், பத்திரிகை தர்மத்தைக் கடைப்பிடித்து, எழுதி இருக்கிறார். இச் செய்தியை நாம் சரிவரக் கையாளவில்லை என்பதே அவர் குற்றச்சாட்டு. இருப்பினும் ஒரு படி மேலே சென்று நாம் அரசாங்கத்துடன் சேர்ந்து இயங்குகிறோம் என அவர் கூறி இருப்பது மிகுந்த மனவேதனை அளிக்கிறது.

முதலாவதாக முன்வைக்கப்பட்ட குற்றச் சாட்டு: பரமேஸ்வரன் சாப்பிட்ட பேகரின் விலை 7.1 மில்லியன் பவுண்டுகள் என நாம் இட்ட தலையங்கம் பிழை என்பதாகும். இந்தத் தலையங்கம் ஆங்கில வடிவத்தில் இருந்து அப்படியே மொழிமாற்றப்பட்டது, காரணம் பிரித்தானியாவிலும் சரி, ஏனைய நாடுகளிலும் சரி , பிரித்தானியச் செய்திகள் எவ்வாறு கூறியிருக்கின்றது என்பதை அப்படியே மக்களுக்கு கொண்டுசெல்ல நாம் முற்பட்டதால் ஏற்பட்டது. பிரித்தானிய இணையத்தளங்கள் பரமேஸ்வரன் உண்ட மக்டொனால்ட்சின் விலை 7.1 மில்லியன் பவுண்டுகள் என்று செய்திவெளியிட்டால், அதன் கருப்பொருளை மாற்றி வெளியிடவோ, அல்லது அந்தச் செய்தியை மாற்றி எமக்குச் சாதகமாக முறையில் வெளியிடுவது மாபெரும் தவறு. தமிழ் மக்களுக்கு பிரித்தானிய ஆங்கில ஊடகங்கள் எவ்வாறு செய்திகளை வெளியிட்டுள்ளன எனக் கோடிட்டுக் காட்ட நாம் விரும்பினோம்.

அதனால் விழித்துக்கொண்டனர் தமிழர்கள். தம்மீது சுமத்தப்பட்டுள்ள பழிகளை உணர்ந்தனர். இச் செய்தி வெளியாகி சில மணிநேரத்திலேயே நாம் பரமேஸ்வரனுடன் தொடர்புகொள்ள முற்பட்டோம், என்பதை அவர் நன்கு அறிவார். நாம் ஸ்கொட்லன் யாட் பொலிசாரிடம் தொடர்புகொண்டபோது, இது குறித்து தகவல்கள் எதுவும் தமக்குத் தெரியாது என மறுத்த பொலிசார், சனிக்கிழமை காலை எம்மைத் தொடர்புகொள்வதாகத் தெரிவித்தனர். சனிக்கிழமை தொடர்புகொண்ட பொலிசாரிடம், கண்ட நேர்காணலை நாம் நேற்றைய தினம் பிரசுரித்திருந்தோம்.

குற்றச்சாட்டு 2: பரமேஸ்வரன் உண்ணாவிரத முடிவின்போது, பிரித்தானிய அரசாங்கம் கொடுத்த வாக்குறுதியின் அடிப்படையில் தாம் உண்ணா விரதத்தைக் கைவிடுவதாகச் சொல்லியிருந்தார். ஏராளமான வாசகர்கள் அது என்ன என அறிந்துகொள்ள மிகவும் ஆவலாக இருந்தனர், இருக்கின்றனர். எமக்கு வந்த மின்னஞ்சல்களில் பெரும்பாலான மின்னஞ்சலில் இதனைத்தான் வினவியிருந்தனர் மக்கள்( அவர் உண்ணாவிரதத்தைக் கைவிட்ட நேரத்தில்) அதனால் இந்தக் கேள்விக்கு அவர் என்றோ ஒரு நாள் பதில்கூறக் கடமைப்பட்டுள்ளார் என்பதை யாரும் மறுக்க முடியாது. இது தமிழர்கள் சம்பந்தப்பட்ட பிரச்சனை, முள்ளிவாய்க்காலில் 25,000 பொதுமக்களும் ஆயிரக்கணக்கான மாவீரரும் மரணித்த பின்னர் என்றோ ஒரு நாள் அதை அவர் கூறித்தான் ஆகவேண்டும், அதனை அறியும் உரிமை தமிழ் மக்களுக்கு உண்டு. பரமேஸ்வரன் உண்ணாவிரதத்தால் மட்டும்தான் பிரித்தானியத் தமிழர்கள் போராடத் தொடங்கினார்கள் என்று எவராலும் கூறிவிடமுடியாது.

குற்றச்சாட்டு 3: மெனிக்பாம் முகாமில் 96 இளைஞர்களை இராணுவம் கடத்திச் சென்றது குறித்த செய்திகள் ஏன் அதிர்வு இணையத்தில் வரவில்லை? இச் செய்தி எமக்கு கொழும்பில் உள்ள ஊர்ஜிதமற்ற செய்திச் சேவை ஒன்றின் முலம் வழங்கப்பட்டது. நம்பத்தகுந்த செய்தியாளர்கள் தரும் செய்திகளையே நாம் மேலும் ஒருமுறை ஊர்ஜிதம் செய்து போடவேண்டிய நிலையில் இருக்கிறோம். இச் சம்பவத்தை நாம் முதலில் பிரசுரித்து பின்னர் இது பொய்யான சம்பவம் என்று நிருபணமானால் தற்போது எம்மைப் பற்றி விமர்சித்திருக்கும் கீர்த்திகனே அதிர்வு இப்படி ஒரு நடக்காததை நடந்தது என்று கூறியிருக்கிறது என்று இதற்கும் ஒரு விமர்சனம் எழுதியிருப்பார். என்ன செய்வது விமர்சகர்கள் எண்ணிக்கை கூடிவிட்டது..

மதிப்பிற்குரிய கீர்த்திகன் அவர்களே! நாம் பிரசுரித்த செய்திகளில் தவறு இருக்கிறது அல்லது இல்லை என்பதைச் சுட்டிக்காட்ட உங்களுக்கு முழு உரிமை இருக்கிறது. ஆனால் சில சில செய்திகளை நாம் பிரசுரிக்கவில்லை என்றால் நாம் அரசாங்கத்துடன் சேர்ந்துவிடோம் என்ற தொனியில் எழுதுவது மிகவும் நாகரீகம் அற்ற செயல். இலங்கை அரசும் அதன் கைக்கூலிகளும் அதிர்வு இணையத்தின் வலையத் தளத்தில் சமீபத்தில் ஏற்படுத்திய தடங்கல்களை யாவரும் அறிவர். நாளாந்தம் எமக்கு வரும் தடைகள், சிங்கள எதிர்ப்புகள் என்பனவற்றை நாம் நேரடியாக அனுபவித்தவர்கள் என்பதை யாராலும் மறுக்கமுடியாது.

எனவே நாம் எமது வாதப் பிரதிவாதங்களை முன்வைத்துவிட்டோம். இல்லை பரமேஸ்வரன் செய்தியை நாம் கையாண்டவிதம் தவறு என்று மக்களாகிய நீங்கள் இன்னமும் நினைப்பீர்களாக இருந்தால் அதிர்வு இணையம் தமிழர்களிடம் பகிரங்கமாகவே மன்னிப்புக் கோருகிறது!!!!. யார் நீங்கள்? எமது தமிழீழ உறவுகள் , உங்களிடம் தமிழீழத்தை நேசிக்கும் நாம் மன்னிப்புக் கோருவதில் வெட்கப்படவில்லை. அதிர்வு இணையம் தமிழீழ மக்களின் இணையம். தமிழீழ மக்களின் உணர்வுகளை மதிக்கும் ஓர் இணையம். தமிழர்களின் உரிமைகளை வென்றெடுக்க பாடுபடும் ஓர் இணையம். இதனையே நாம் தொடர்ந்தும் செய்வோம் எமது இலக்கான தமிழீழம் மலரும்வரை! மாவீரர் கனவு பலிக்கும் வரை.

இன்று எம்மை போற்றியோர் இனிவரும் காலத்தில் போற்றுவர், புழுதிவாரி தூற்றியோர் இனிவரும் காலத்தில் எம்மை நேசிப்பர்.

நன்றி,

அதிர்வின் ஆசிரியபீடம்

Athirvu

Read more...

இலங்கை அரசு புலம்பெயர் தமிழருக்கு நீட்டும் இலவச மக்டொனால்ஸ்: கீர்த்திகன்

இந்தக் கட்டுரையை எழுதுவதன் நோக்கம் யார் மீதும் உள்ள தனிப்பட்ட வெறுப்போ அல்லது யாரையும் புண்படுத்துவதோ அல்ல மாறாக தலை மொட்டைபோல் தெரிகிறதென்பதற்காக மிளகாய் அரைக்க நினைக்கக் கூடாதென்பதற்காகவும் தமிழினம் சந்திக்கும் சந்திக்க இருக்கும் மிகப்பெரும் சவால்களை தொட்டுச் செ(சொ)ல்வதற்குமேயாகும்.

ஏதிரி ஒரு இரையைப் போடுவதும் அதை நாங்கள் விழுங்கிக்கொண்டு திண்டாடுவதும் எங்களைப் பார்த்து எதிரிகொண்டாடுவதுமே அண்மைக்காலமாக தொடர்ந்து கொண்டிருக்கின்றது.



மீண்டும் புலம்பெயர் தேசங்களில் வலுப்பெறும் போராட்டங்களும் அநேக நாடுகள் கொடுக்கும் அழுத்தங்களும் இலங்கை அரசுக்கு கிலியையும் சினத்தையும் ஏற்படுத்தியிருக்கின்றது.

புலம்பெயர் தமிழர்களின் பலத்தைச் சிதைக்கவும் ஆன்ம உறுதியை அசைத்துப் பார்க்கவும் சிங்கள தேசம் பல சதி முயற்சிகளில் இறங்கியுள்ளது. இதற்காக பல நிறுவனங்களுடன் இரகசிய ஒப்பந்தங்களைச் செய்துள்ளது. பல மில்லியன் டொலர் பணத்தையும் செலவுசெய்துகொண்டிருக்கின்றது.

இதன் அடிப்படையில் எடுத்து வைக்கும் ஒவ்வொரு அடியையும் நிதானமாக எடுத்து வைக்கவேண்டும். வெளிவரும் ஒவ்வொரு செய்திகளினதும் உள்நோக்கங்களையும் உண்மைத்தன்மையையும் பகுத்தறிந்து வெளிக்கொண்டு வரவும் உள்வாங்கவும் கருத்துக் கூறவும் காலத்தால் எச்சரிக்கப்பட்டுக் கொண்டிருக்கின்றோம். குறிப்பாக தமிழ் ஊடகங்களை இயக்குபவர்களின் கைகளில் காலம் மிகப்பெரும் வரலாற்றுக் கடமையை கையளித்திருக்கிறது.

நாங்கள் நடுநிலமை என்ற சொல்லாடலுக்கும் சில சமயங்களில் உண்மை என்ற உறுதிப்படுத்தப்படாத தன்மைக்கும் அப்பால் ஒரு போராடும் இனம் என்ற அடிப்படையில் எதை எப்படி எப்போது தன் மக்களுக்குச் சொல்ல வேண்டும் என்ற தெளிவு மிகவும் முக்கியமானது.

இவற்றை நாம் சரிவர செய்கின்றோமா என சுய மீளாய்வு செய்தலே தேசத்திற்கு நாம் செய்யும் முதல் கடமையாகும். அதனடிப்படையில் பரமேஸ்வரன் சாப்பிட்ட மக்டொனால்சின் விலை 7.1 மில்லியன் பவுன்ஸ் என்ற செய்தியை தொட்டு சில விடயங்களைக் கூறக்கடமைப்பட்டுள்ளேன்.

இந்த தலையங்கத்தை ஒரு ஆங்கில ஊடகம் வெளியிட்டது. அதை ஒத்த செய்தியை சில ஆங்கில இணையத்தளங்களும் வானொலிகளும் வெளியிட்டு பல்வேறுவிதமான கருத்தாடல்களும் இடம்பெற்றன.

இதே செய்தியை பரமேஸ்வரன் சாப்பிட்ட மக்டொனால்சின் விலை 7.1 மில்லியன் பவுன்ஸ் என்ற அதே தலையங்கத்தோடு ஒரு தமிழ் இணையத்தளம் முதலில் வெளியிட்டது.
அதே செய்தியை வைத்து நாம் என்ன செய்துகொண்டிருக்கின்றோம் என சற்று சிந்தித்துப் பார்ப்போம்.

பரமேஸ்வரன் சாப்பிட்ட மக்டொனால்சின் விலை 7.1 மில்லியன் பவுன்ஸ்

இந்த தலையங்கத்தை முதலில் வெளியிட்டவர்களே இன்னும் உறுதிப்படுத்தவில்லை. இதற்கிடையில் நாங்கள் ஏதோ நேரில் பார்த்தவர்கள் போல் உறுதியிட்டுக் கூறுகின்றோம். உண்ணாவிரதத்தின் போது பரமேஸ்வரன் உணவருந்தியதாக குற்றம் சாட்டப்படுகின்றது என்றோ அல்லது இதே தலையங்கத்திற்கு ஒரு கேள்விக்குறியைப்போட்டோ வெளியிட்டால் நாங்கள் என்ன குறைந்தா போய்விடுவோம்.

பரமேஸ்வரன் எங்களில் ஒருவன் தானே அவனைத் தொடர்பு கொண்டு இது குறித்துக் கேட்டுவிட்டு இப்படி செய்தி வெளியிடப்பட்டிருக்கின்றது ஆனால் பரமேஸ்வரன் மறுக்கின்றார் என்றோ போட்டால் தப்பா? கேவலம் நீங்கள் செய்தி போட்டு கருத்தெழுதியவர்கள் எல்லாம் அவரைப்பச்சைத்துரோகியாக்கித் திட்டி தீர்க்க பரமேஸ்வரன் உங்களைத்தொடர்புகொண்டு மறுப்புத் தெரிவித்த பின்னரே மறுப்பறிக்கையை பிரசுரிக்கும் கேவலமான நிலமை.

பிரித்தானியாவில் உண்ணா விரதம் இருந்த பரமேஸ்வரன் இரவில் மக்டொனால்ஸ் சாப்பிட்டதாக ஸ்கொட்லன் யாட் பொலீசார் கூறியுள்ளனர். இலங்கையில் மே மாதத்தில் போர் உச்சக்கட்டமாக நடந்தவேளையில், பிரித்தானியாவில் சாகும் வரை உண்ணாவிரதம் இருந்தவர் பரமேஸ்வரன் என்பது யாவரும் அறிந்ததே. பிரித்தானிய வெளிநாட்டமைச்சர் கொடுத்த வாக்குறுதி காரணமாக பின்னர் உண்ணாவிரம் கைவிடப்பட்டது.

இந் நிலையில் இந்தத் தொடர் உண்ணாவிரதம் காரணமாக, பிரித்தானியப் பொலீசாருக்கு சுமார் 7.1 மில்லியன் ஸ்ரேலிங் பவுண்டுகள் செலவாகியுள்ளதாகக் கூறப்படுகிறது. மற்ரும் பிரித்தானிய வரலாற்றில் மிக நீண்ட நாட்களாக நடைபெற்ற போராட்டம் இதுவென வரலாற்றுப் பதிவும் பெற்றுள்ளது.

இன்று இது குறித்து பிரித்தானியாவின் ஸ்கொட்லன் யாட் பொலீசார் அறிக்கை ஒன்றை வெளியிட்டுள்ளனர். உண்ணாவிரதம் நடைபெற்ற கூடாரத்தை தாம் கண்காணிப்பதற்காக, அதி சக்திவாய்ந்த நுணுக்கமான கமராக்களை தாம் பொருத்தி வைத்திருந்ததாக தெரிவித்த போலீசார், அதில் பரமேஸ்வரம் மக்டொனால் பேகரை(big mac) இரவில் சாப்பிடுவதை தாம் அவதானித்ததாகக் கூறியுள்ளனர்.

நான்கு வாரமாக நடைபெற்ற உண்ணாவிரதப் போராட்டம் மே மாதம் நிறைவுக்கு வந்தது என்பது குறிப்பிடத்தக்கது. மேலும் குறிப்பிட்ட அந்த அதிகாரி பரமேஸ்வரன் சாப்பிட்ட மக்டொனால்ஸ்சின் விலை 7.1 மில்லியன் பவுண்டுகள் எனவும் குறிப்பிட்டுள்ளார்.

ஸ்கொட்லன்ட் யாட் பொலீசார் இது குறித்து அறிக்கை ஒன்றை வெளியிட்டுள்ளார்கள் என எழுதியிருக்கின்றீர்கள். பரமேஸ்வரனிற்கு பொலிசார் கூறியிருக்கிறார்கள் தங்களிடம் அப்படியான ஆதாரம் எதுவும் இல்லையென்று. ஸ்கொட்லன்ட் யாட் பொலீசார் இது குறித்து அறிக்கை ஒன்றை வெளியிட்டுள்ளார்கள் என்ற செய்தியை தயவு செய்து இன்னுமொருமுறை உறுதிப்படுத்துங்கள்.

இப் போராட்டத்தின் முடிவில் பிரித்தானிய வெளிநாட்டமைச்சர் கொடுத்த இரகசிய வாக்குறுதி காரணமாக உண்ணாவிரம் கைவிடப்பட்டதாகப் பரமேஸ்வரன் தெரிவித்தபோதிலும், இன்றுவரை அந்த இரகசிய வாக்குறுதி என்ன என்பதை அவர் சொல்லவே இல்லை.

இதை அந்த ஆங்கில ஊடகங்கள் எதுவுமே கூறவில்லை. இந்தச் செய்திக்குள் இதை இணைத்ததன் நோக்கம் என்ன? இப்படித்தான் தமிழ்த் தேசியத்திற்கு வலுச்சேர்ப்பதா? உங்கள் வாசகர் கருத்துப்படி சாப்பிட்ட வீடியோவைக்காட்டி உண்ணாவிரதத்தை நிறுத்தியதென்பது உண்மையென்றால் பரமேஸ்வரன் அதிலிருந்து தப்பவும் தன்னை நியாயப்படுத்தவும் என்ன செய்திருப்பார் என உங்கள் வீட்டு குழந்தைகளைக் கேட்டு சரியான பதிலைத் தெரிந்து கொள்ளுங்கள்.

பரமேஸ்வரனுக்கு பிரித்தானிய வெளிநாட்டமைச்சர் கொடுத்த வாக்குறுதி என்ன என்பதை அறிய இலங்கை அரசு இன்றுவரை முயன்று தோற்றிருக்கும் நிலையில் அரசு பணியை நாம் தொடர்வோம் என சபதம் செய்கின்றோம். பரமேஸ்வரனின் வார்த்தைகளில் " வரலாற்றில் இனத்திற்காக மறைக்கவேண்டிய சில விசயங்களை மறைத்துத்தான் ஆகவேண்டும் அதற்காக நான் என்ன விலையும் கொடுக்கத் தயார்" என்கிறார்.

அன்று பரமேஸ்வரன் இறந்திருந்தால் கூட இன்றைய நிலையை தடுத்து நிறுத்தியிருக்கமுடியாது. இந்நிலையில் கோமா நிலைக்கு போக முதல் நாள் உண்ணாவிரதம் நிறுத்தப்பட்டதும் அப்போது கொடுக்கப்பட்ட வாக்குறுதியும் தான் தமிழர்களிற்கு இன்று முக்கியமான பிரச்சனையா?

இன்று வெளியாகியுள்ள எல்லா பிரித்தானிய ஆங்கில செய்தித்தாழ்களில் இவ் விடையம் வெளியாகியுள்ளது.

எல்லாம் என்பதன் அர்த்தம் என்ன? பிரித்தானியாவில் மொத்தம் எத்தனை செய்தித்தாள்கள் உள்ளன அதில் எல்லாவற்றிலும் வந்ததா? நீங்கள் இவ்வளவு மிகைப்படுத்துவதன் நோக்கம்? இப்படித்தான் தமிழ் மக்களுக்கு யாதார்த்தத்தை புரிய வைக்கின்றீர்களா?

இத்துடன் இணையத்தளங்களும் இச் செய்தியை பிரசுரித்துள்ளதால் , தமிழ் மக்கள் யதார்த்தத்தை அறியவேண்டும் என்பதற்காக இச் செய்தியை நாம் பிரசுரிக்கிறோம்.

இதில் எவ்வித தனிப்பட்ட விரோதப் போக்கும் இல்லை. அத்துடன் தமிழ் மக்களால் பாரிய போராட்டம் பிரித்தானியாவில் நடைபெற்று அது ஒரு வரலாறாகப் பதிவாகியுள்ள நேரத்தில், சிலரது நடத்தை காரணமாக, போராடிய ஒட்டுமொத்த தமிழர்களுமே அவமரியாதைக்கு உள்ளாகியுள்ளனர் என்பதை சுட்டிக்காட்ட விரும்புகிறோமே அன்றி வேறொன்றும் இல்லை.

எந்தச் செய்தியானாலும் அதனை நாம் துணிச்சலாப் பிரசுரிப்பது யாவரும் அறிந்ததே. இதுபோன்ற தவறுகள் மீண்டும் நடைபெறாமல் இருக்கவும், போராட்டத்தில் இவ்வாறு ஏற்படும் தடங்கல்களையும் மக்களுக்கு எடுத்துரைக்கும் ஓர் இணையமாக நாம் செயல்படுகிறோம். எனவே இச் செய்தி குறித்து உங்கள் கருத்துகள் ஏதாவது இருந்தால் அனுப்பிவைக்கவும்.

ஸ்கொட்லன் யாட் குறிப்பிட்டதுபோல சம்பவம் நடைபெறவில்லை என்றால் பரமேஸ்வரன் சட்டவல்லுனர்களை அணுகி முறைப்படி மான நஷ்ட வழக்கைத் தொடரமுடியும் என்பதையும் நாம் கூறிக்கொள்ள விரும்புகிறோம்.

பரமேஸ்வரனை வசைபாட வழிசெய்து கொடுத்துவிட்டு பரமேஸ்வரன் பக்கம் நியாயம் இருந்தால் சட்ட வல்லுனர்களை அணுகி முறைப்படி மான நஸ்ட வழக்கைத் தொடர முடியும் என ஆலோசனை கூறும் நீங்கள் யுத்தத்தில் முப்பதிற்கும் மேற்பட்ட தனது இரத்த உறவுகளை இழந்து தன்னையே கொடுக்கத் தயாராகி ( அவர் மக்டொனால்ஸ் சாப்பிட்டிருந்தால் கூட உண்ணாவிரதத்தை இன்னும் ஒரு நாள் தொடர்ந்திருந்தாலே கோமா நிலைக்கு சென்றிருப்பார் என பிரித்தானிய மருத்துவர்களின் சான்றிதழ் சொல்கின்றது) தனிமரமாக நிற்கும் பரமேஸ்வரனிற்கு பல ஆயிரம் பவுண்ஸ் செலவாக இருக்கும் வழக்கைத் தொடர உங்களால் என்ன செய்ய முடியும் என சிந்தியுங்கள். ( இந்த எம் கே.நாராயணன் காலத்தில் அருமையான அட்வைசர்களுக்கு பஞ்சம் இல்லை)

அவரால் ஒட்டு மொத்த தமிழர்களும் அவமரியாதைக்குள்ளாகியிருகிறார்கள் என்று இனமானம் பேசும் நீங்கள் பரமேஸ்வரனின் மறுப்பையும் அவர்வைத்திருக்கும் ஆதாரத்தையும் கொண்டு உங்கள் இனமானத்தை எப்படிக்காப்பாற்றலாம் அல்லது அதற்காக நீங்கள் எவ்வளவு மணித்துளிகளை வெள்ளித்தொகைகளை செலவளிக்கப்போகின்றீர்கள் என சிந்தியுங்கள்.

7.1 மில்லியன் பவுன்ஸ் செலவாகிவிட்டதாக முதலைக்கண்ணீர் வடிக்கும் பிரித்தானிய வெள்ளைத்தோல்களுக்கு சொல்லுங்கள் அதில் தமிழன் கட்டிய வரிப்பணத்தையும் கோப்பிக்கடை வாகனப்போக்குவரவு என தமிழர்கள் செலவழித்து அதன் மூலமாக பெறப்பட்ட வரிப்பணத்தையும் கழித்து கணக்கை சொல்லும்படி. போதாதென்றால் எங்கள் ப+மியை ஆண்ட காலத்தில் சுரண்டியதில் இருந்து எடுத்துக்கொள்ளும்படி சொல்லுங்கள்.

நீங்கள் சொல்வதுபோல் அனைத்து பத்திரிகைகளிலும் இணையத்தளங்களிலும் பரமேஸ்வரன் 7.1 மில்லியன் பவுன்ஸ் மக்டொனால்சை தின்றுவிட்டான் என்று கூறிவருகிறார்களென்றால் அவர்கள் சொல்வது உண்மை என்றே வைத்துக்கொண்டு அதை எப்படி எதிர்கொண்டு எமக்கு சாதகமாக்குவது என்று சிந்தியுங்கள். (ஏனெனில் இனி நிறையவே எதிர்பாரத இத்தகைய செய்திகள் வரும் வாய்ப்பு அதிகம்) அதை உங்கள் தளங்கள் ஊடாக மக்களுக்கு தெரியப்படுத்துங்கள். மாறாக நீங்கள் மக்களுக்கு புதிதாக யதார்த்தம் கற்பிக்க வேண்டாம்.

தயவு செய்து இணையத்தளம் உங்களதாய் இருக்கலாம். ஆனால் பொறுப்பற்ற முறையில் செய்திகளையும் உங்கள் தனிப்பட்ட கருத்துக்களையும் திணித்து விட்டு நீங்கள் பெரிய ஈழப்போராட்ட ஆதரவாளர் என்றும் மற்றவர்களை துரோகிகள் என்றும் வசைபாடும் உரிமை யாரிற்கும் இல்லை.

தன் இனத்திற்காக உண்மையாக சாகத்துணிந்த அந்த பரமேஸ்வரனை விமர்சிக்கும் உரிமை இனி பரமேஸ்வரனிற்கு கூட இல்லை. குறிப்பாக தன் இனத்திற்காக ஒரு நாளாவது உண்ணாமல் இருக்க தயாராகாத எவருக்கும் இல்லை.

இந்த ஆராய்ச்சிகளில் நாங்கள் இருக்க நேற்று முன்தினம் மெனிக்பாம் முகாமில் 96 இளைஞர்களையும் நேற்று 47 இளைஞர்களையும் இன்று 52 இளைஞர்களையும் சிறீலங்கா சிறப்பு புலனாயய்வுப்பிரிவு பெற்றோர் கதறக் கதற கைது செய்து கொண்டு சென்றிருக்கின்றது.

சாதாரண மக்களை வந்தடையும் செய்தி ஏன் உங்களுக்கு இன்னும் வரவில்லை? இதைத்தான் சொல்வது எதிரிபோட்ட இரையை அப்படியே விழுங்கி அவனின் பணியை இலகுவாக்குதல் என்று.

தயவு செய்து ஊடகங்களை நடத்தும் தமிழீழ ஆதரவாளர்களே தமிழினத்திற்கு வழிகாட்டுவதாய் சொல்லி குழிதோண்டாமல் குறைந்த பட்சம் ஊடக தர்மத்தையும் நாகரிகத்தையுமாவது பேணுங்கள். சிந்திப்போம் செயற்படுவோம்.

நன்றி
அன்புடன்
கீர்த்திகன்
keerththikan@gmail.com


Tamilwin

Read more...

எங்களுக்கு அவல், பரமேஸ்வரனுக்கு பேகர், வன்னி புனிதர்களுக்கு !

யஹியா வாஸித்

அந்த கடைசி பத்து நாட்கள். மே 17 க்கு முந்தைய கடைசிப் பத்து நாட்கள். மொத்த தமிழ் பேசுபவனும், அவன் சிறிலங்கா தமிழனாக இருக்கட்டும், சிறிலங்கா தமிழ் பேசும் முஸ்லீமாக இருக்கட்டும், இந்திய தமிழனாக இருக்கட்டும், ஏன் லண்டன் வெஸ்மினிஸ்டர் பாராளுமன்ற சதுக்கத்தை தாண்டிய அத்தனை உயிர்களும், அந்த உண்ணா நோன்பாளிக்காக, ஒரு சொட்டு கண்ணீர் சிந்தியதை நாம் அறிவோம், உலகமும் அறிந்ததே.

எங்கோ ஆறாயிரம் மைல்களுக்கப்பால் உள்ள வன்னித் தமிழர்களுக்காக, தூக்கம் மறந்து, உணவு மறந்து, உயிரை துறக்க சித்தமான அந்த பரமேஸ்வரன் என்ற புனிதனுக்காக, பாடசாலை மாணவ, மாணவிகள், இளையோர்கள், தொழிலாளர்கள், தாய்மார்கள், புத்திஜீவிகள், அங்கவீனர்கள், வயோதிபர்கள் என ஒரு மனிதப்பட்டாளம், இரவு பகல் பாராமல் வெஸ்மினிஸ்டர், சாரிங்குறொஸ், கிறீன் பார்க், சென் பீட்டர்ஸ், வாட்டர்லூ, லண்டன் பிறிஜ் போன்ற புகையிரத நிலையங்களில் அலைமோதியை நேற்று ( 07-10-2009 ) வரை நினைத்து புளகாங்கிதம் அடைந்தோமே.

இளையயோர்களே ! பார்த்தீர்களா உங்களுக்காக, நமது மண்ணுக்காக, அரசின் அட்டூளியங்களை உலகுக்கு பறை சாற்றுவதற்காக, அங்கு நம்மினப் பெண்களை சிங்கள இராணுவம் கற்பழித்துக் கொண்டிருப்பதை உலகுக்கு பறை சாற்றுவதற்றாக, ஒரு சகோதரன் உயிரை துச்சமென மதித்து சாகும் வரை உண்ணாமல் உண்ணா நோன்பிருக்கின்றான். என ஒரு தாய், பல தாய்மார், பல புத்திஜீவிகள் அந்த கடைசிப்பத்து நாட்களும், தீபம் ரீவியில் மைக்கை கையில் பிடித்துக்கொண்டு கதறிய கதறல் இன்னும் எங்கள் மனக்கண்ணைவிட்டு ஓட மறுக்கின்றதே !

மொத்த சோகத்தையும் ஒரு மக்டோனல் பேகரில் சிதறடித்து விட்டாயே நண்பனே. நண்பா ! நீ வல்வெட்டித்துறையைச் சேர்ந்தவன், அங்கிருந்து இந்தியா வந்து, பல சிரமங்களுக்கு மத்தியில் இங்கிலாந்தில் அகதியானவன். உனக்கும் புலிகள் இயக்கத்துக்கும் எவ்வித தொடர்புகளும் இல்லை, இங்கு நீ லண்டனில் லூசியம் என்ற இடத்தில் இருந்து கொண்டு வேண்டத்தகாத தொழில் செய்த நீர். உமக்கு இங்கு நிரந்தர இருப்பிடமே இல்லை. உனக்கு இந்த நாட்டில் குடியுரிமையும் கிடையாது. ஏற்கனவே நீர் இங்கு வேண்டத்தகாத தொழில்கள் விடயமாக செல்லமாக தேடப்படுபவர். லூசியம் காவல் நியைம், மற்றும் குடியகல்வுத் திணைக்களத்திலும் உமக்கு நல்ல பெயர் இருக்கின்றது.

இவையனைத்தும் அனைவருக்கும் தெரிந்தும், வீரமறவனாகத்தான், அந்த புத்தி ஜீவிகள் உன்னை சாக்காட்ட துணிந்தனர். ஆனால் நீ எமனுக்கே பச்சடி கொடுத்துவிட்டு, துரியோதனர்களுக்கு கிச்சடி கொடுத்து, எங்களுக் கெல்லாம் அவலை அல்லவா வழங்கி விட்டாய்.

சகோதரா ! டெய்லி மெயில் காறனுக்கு எதிராகவும், ஸ்கொட்லான்ட் யார்ட் துப்பறிவாளர்களுக்கெதிராகவும் நீர் வழக்குப்பதிவு செய்ய உள்ளதாகவும் இன்னொரு பட்சி கூறுகின்றது. நல்லது. உலகுக்கே உலக நாகரிகம் சொல்லிக்கொடுத்த பிரிட்டிஷாருக்கு எதிராக வழக்குத் தாக்கல். ரொம்ப நல்லது. அரபு நாட்டவர்கள் தங்கள் கிணறுகளிலுள்ள எண்ணைய்யையே இவனைக் கேட்டுத்தான் தோண்டுகின்றார்கள், விற்கின்றார்கள். அந்த அளவுக்கு இவனது கண்கள் நீண்டு, பரந்து, உலகெல்லாம் விரிந்து கிடக்கின்றது. அவனது ஹெட் ஆபீஸிலிருந்து அறுநூறு அடி தூரத்தில் அமைந்துள்ள வெஸ்மினிஸ்டரில் ஜாலியாக இருந்து கொண்டு நீர் ஹம்பேகர் சாப்பிட்டதை வேடிக்கை பார்த்துக் கொண்டா இருந்திருப்பார்கள். சாக்கிரதை சகோதரா, குயீன்ஸ் எலிசபேத் ஹோள் ( நீர் உண்ணா விரதம் இருந்த இடத்துக்கு நூறடி தூரத்தில் இருக்கின்றது ) அருகில் போய், எங்கு கமரா பூட்டி இருப்பார்கள் என்று, ஆராய்ந்துவிட்டு வழக்கை தொடரு நண்பனே !

சகோதரா ! நீ ஏதோ எல்லோரையும் உசுப்பேத்தி விட்டுப் போய்விட்டாய். வெள்ளையன் அதற்கு 7.1 மில்லியன் கணக்கு சொல்கின்றான். அடேங்கப்பா 131 கோடி 35 லட்ச ரூபா. இதில் 10 வீதத்தை கொடுத்தாலே போதும், மகின்த சகோதரயா, அங்குள்ள மக்களுக்கு அழகான குடியிருப்பு வசதி செய்து கொடுத்து விடுவார்.

சகோதரா ! இன்றைய டெயிலி மெயிலை தூக்கிப் பார்த்தாயா ? 226 பேர் கொமண்ஸ் எழுதியிருக்கின்றார்கள். அதில் 90 வீதம் வெள்ளையன். நாக்கை பிடிங்கிச் சாகவேண்டும் போல் இருக்கின்றது நண்பா. நான் திங்கள் கிழமை வெஸ்மினிஸ்டரில் இறங்கித்தான் வேலைக்குப் போக வேண்டி இருக்கின்றது. பிளீஸ் தோழா ! மீண்டும் ஒரு முறை வெஸ்மினிஸ்டரில் நான், பேகர் சாப்பிடல என ஒரு குட்டி உண்ணும் நோன்பு இருப்போமா ?

வெள்ளையன் செலவிட்டதை விட்டு விடுவோம். பஸ் பிடித்து, கார் பிடித்து, றெயின் பிடித்து நாங்கள் வந்தது, எங்களது குழந்தைகள் பாடசாலைக்கு கட்டடித்தது, வேலைகளை துறந்துவிட்டு உனக்காக அலைக்கழிந்தது, உன் ஒரு உயிருக்காக மொத்த தமிழனும் பரிதவித்தது, மொத்த வன்னிச் சனத்தினதும் உயிரே உன் ஒருவனின் உயிரில் ஊசலாடியது, இமைக்க மறந்த கண்கள், உண்ண மறுத்த பொழுதுகள், பேச மறுத்த உதடுகள், துடிக்க மறுத்த நாடிகள், தளும்பி நின்ற கண்ணீர் துளிகள், தட்டுத்தடுமாறிய இளையோர், தவம், இது ஒரு தவம் என மௌனித்து நின்ற வெளிநாட்டோர் அத்தனை பேருக்கும் முக்காடு போட்டு, புலி, நாங்கள் புலி. நாங்கள் எதுவும் செய்வோம், நீங்கள் நம்பணும், முட்டாள் தமிழனே

நீங்கள் நம்பணும், என எங்கள் தமிழ் சமுதாயத்தை மீண்டும் ஒரு முறை..........

தேணி இணையம்

Read more...

பரமேஸ்வரன் சுப்ரமணியம் ‐ ஸ்கொட்லண்ட்யார்ட் ‐ UK பத்திரிகைகள் ‐ கறையை கழுவப் போவது யார்?

லண்டன் டெய்லி மெயில், த சண், ஈவினிங் ஸ்ரான்டர்ட் போன்ற பத்திரிகைகள் உட்பட லண்டன் பத்திரிகைகள் வெளியிட்ட ஒரு செய்தி இன்று சர்ச்சையைத் தோற்றுவித்துள்ளது.

ஸ்கொட்லண்ட்யார்ட் பொலிஸார் நேற்று வெளியிட்டதாகச் சொல்லப்பட்ட இரண்டு தகவல்களைக் கொண்டதாக அந்தச் செய்தி இருந்தது.


முதலாவது பரமேஸ்வரன் சுப்ரமணியம் என்ற தமிழ் இளைஞர் உண்ணாவிரதம் இருந்த காலப்பகுதிக்கான பொலிஸாருக்கான மேலதிகக் கொடுப்பனவு 7.1 மில்லியன் பவுண்கள் என்பது. பரமேஸ்வரன் சுப்ரமணியம் உண்ணாவிரதம் இருந்த 72 நாட்களும் 24 மணிநேரமும் 29838 பொலிஸார் கடமையாற்றியதற்கான மேலதிகக் கொடுப்பனவே இது என்று அப்பத்திரிகை தெரிவித்துள்ளது.


இரண்டாவது பரமேஸ்வரன் சுப்ரமணியம் தனது உண்ணாவிரதப் போராட்டத்தின் போது இரகசியமாக மக்டொனால்ட் பேகர் சாப்பிட்டார் என்பது.

இலங்கையில் விடுதலைப் புலிகளுக்கு எதிரான இறுதி யுத்தம் நடைபெற்றுக் கொண்டிருந்த போது அந்த யுத்தத்தை நிறுத்தக் கோரி புலம் பெயர் தேசங்களில் வாழும் தமிழ் மக்கள் தொடர் போராட்டங்களை நடாத்தியிருந்தார்கள்.

லண்டனிலும் பாராளுமன்றிற்கு முன்பாக தமிழ் மக்கள் ஒன்றுகூடிப் போராட்டம் நடாத்தினார்கள். அதன் ஒரு அங்கமாக 28 வயதான பரமேஸ்வரன் சுப்ரமணியம் தொடர் உண்ணாவிரதப் போராட்டமொன்றை மேற்கொண்டு வந்தார்.

பிரித்தானிய அரசு வழங்கிய இரகசிய உறுதி மொழியைத் தொடர்ந்து ஜுன் 17ஆம் திகதி தமது உண்ணாவிரதப் போராட்டத்தை அவர் கைவிடுவதாக அறிவித்தார். இன்று வரை பிரித்தானிய அரசு வழங்கிய உறுதி மொழி என்னவென்று எவருக்கும் தெரியாது.

பரமேஸ்வரன் சுப்ரமணியம் உண்ணாவிரதம் இருந்த காலப்பகுதியில் ஸ்கொட்லண்ட்யார்ட் விசேட பொலிஸார் விசேட கண்காணிப்புக்கருவியைக் கொண்டு கண்காணித்ததில் பரமேஸ்வரன் ரகசியமாக மக்டொனால்ட்டின் பேகர் சாப்பிடுவதை தாம் அவதானித்ததாகவும் தம்மால் அதனை நம்பமுடியாமல் இருந்ததாகவும் அவர்கள் தெரிவித்துள்ளதாக அப்பத்திரிகைகள் செய்தி வெளியிட்டுள்ளன.

பரமேஸ்வரன் உண்ணாவிரதம் இருந்த கூடாரத்துக்கு வெளியே மக்கள் உணர்ச்சிக் கொந்தளிப்புடன் இருந்ததாலும், உடனடியாக அது பற்றிக் கருத்துத் தெரிவிப்பது வன்முறைக்கு வித்திடலாம் எனக் கருதியதாலும் தாம் அது பற்றி அப்போது எதுவும் பேசவில்லை என்றும் ஸ்கொட்லண்ட்யார்ட் உயரதிகாரி ஒருவர் தெரிவித்திருப்பதாகவும் அப்பத்திரிகைகள் குறிப்பிட்டுள்ளன.

எனினும் இவ்விடயங்கள் தொடர்பாக ஸ்கொட்லண்ட்யார்ட் பொலிஸார் உத்தியோகபூர்வமாக கருத்து எதனையும் தெரிவித்திருக்கவில்லை.

ஏப்ரலில் நடைபெற்ற ஜி 20 மாநாட்டுக்குப் பொலிஸாருக்குச் செலவிட்ட பணத்தை விடப் பலமடங்கு பணம் இந்தப் போராட்டத்தின் போது செலவிட நேர்ந்ததாகவும், 2006இல் மேற்கொள்ளப்பட்ட பயங்கரவாத நடவடிக்கைகளை முறியடிப்பதற்கு செலவிட்ட பணத்தற்கு நிகரானது இந்தச் செலவு என்றும் அப்பத்திரிகைகள் குறிப்பிட்டுள்ளன. அதன் போது 7.3 மில்லியன் பவுண்கள் செலவிடப்பட்டிருந்தது. 2005 ஆம் ஆண்டு நடைபெற்ற பயங்கரவாதத் தாக்குதலின் போது பொலிஸாருக்கு 21. 7 மில்லியன் பவுண்கள் செலவிடப்பட்டிருந்தன என்றும் அப்பத்திரிகைகள் செலவுக்கணக்கு எழுதியிருந்தன.

இந்தச் செய்தியை வெளியிட்ட பத்திரிகைகள் எவையும் பரமேஸ்வரன் சுப்ரமணியத்துடன் தொடர்பு கொண்டு அவருடைய கருத்தை இது பற்றி கேட்டிருக்கவில்லை. ஆனால் இன்டிபென்டன்ட் மட்டும் இதில் விதிவிலக்கு.

இன்டிபென்டன்ட் இது பற்றி அவருடன் தொடர்பு கொண்ட போது அவர் இச் செய்தியை மறுத்திருக்கிறார். உண்ணாவிரத நேரத்தில் மக்டொனால்ட் பேகர் மட்டுமல்ல எந்த உணவையும் உண்ணவில்லை என்றும் அவர் தெரிவித்திருக்கிறார்.

இது உண்ணாவிரதப் போராட்டத்தையும் அதன் பலத்தையும் கொச்சைப்படுத்தும் ஒரு முயற்சி. ஓரு முழுமையான பொய் என்று குறிப்பிட்ட அவர் இது குறித்து தாம் ஸ்கொட்லண்ட்யார்ட் பொலிஸாருடன் தொடர்பு கொண்டதாகவும் தாம் அவ்வாறான செய்தி எதனையும் வெளியிடவில்லை என்று அவர்கள் மறுத்துள்ளதாகவும் அவர் தெரிவித்துள்ளார். எனவே இது இலங்கை அரசாங்கத்தின் ஒரு திட்டமிட்ட சதி என்று குறிப்பிட்ட அவர் இந்தப் பத்திரிகைகளுக்கு எதிராக தாம் வழக்குத் தொடர ஆலோசித்து வருவதாகவும் தெரிவித்துள்ளார்.

இச்செய்திக்குப் பின்னூட்டமிட்ட பிரித்தானியர்கள் பலர் இலங்கைத் தமிழர்கள் இதனூடாகத் தம்மை முட்டாள்களாக்கி விட்டதாகச் சினந்து கொண்டுள்ளனர். அவர்களில் பெரும்பாலானவர்களுக்கு தமது வரிப்பணம் இன்றுள்ள பொருளாதார நெருக்கடிச் சூழ்நிலையில் அநியாயமாகச் செலவழிக்கப்பட்டிருக்கிறது என்கிற கோபம் இருப்பது அவர்களது எழுத்தில் வெளிப்படுகிறது.

இன்னும் சிலர் பிரித்தானிய அரசாங்கத்தின் அகதிகள் தொடர்பான நிலைப்பாட்டை மிக மோசமானது என்று கண்டித்திருந்தார்கள். அவர்களிலும் தீவிரமான சிலர் இலங்கைத் தமிழர்களுக்கு இப்போது அங்கு பிரச்சினை தீர்ந்து விட்டது தானே. எனவே அவர்கள் எல்லோரையும் திருப்பி இலங்கைக்கு அனுப்பி விட வேண்டும் என்றும் குறிப்பிட்டிருக்கிறார்கள்.

இதற்கு எதிராக வேறு சில அபிப்பிராயங்களும் இல்லாமல் இல்லை. ஸ்கொட்லண்ட்யார்ட் 7.1 மில்லியன் பவுண்களுக்குக் காட்டிய கணக்குத் தான் இது என்றும், போராட்டம் நடைபெற்ற போது வீதித்தடைகள் ஏற்படுத்தப்பட்டு லண்டன் நகரப்பகுதி இடரை எதிர்கொண்ட போது இந்தப் போராட்டத்தை முறியடிக்க பொலிஸார் பல்வேறு பிரயத்தனங்களை மேற்கொண்டிருந்தனர். அதற்குப் பதிலாக அதன் போது இந்த உண்மையை வெளியிட்டிருந்தால் இவ்வளவு நீண்ட நாட்கள் வீதித்தடைகள் இல்லாமல் போராட்டம் எப்போது முடிந்து விட்டிருக்கும் என்றும் அவர்கள் குறிப்பிட்டிருக்கிறார்கள்.

இன்னும் சிலர் போக்குவரத்து விதிகளை மீறினாலே போக்குவரத்துப் பொலிஸாரிடமிருந்து படத்துடன் தண்டம் கட்டச்சொல்லி கடிதம் அனுப்பப்பட்டு விடும். ஆனால் இவ்வாறான ஒரு பாரிய பிரச்சினைக்கு வெறுமனே அவர் பேகர் சாப்பிட்டார் என்று சொல்லியிருப்பது ஏன்? அவர் பேர்கர் சாப்பிடுவதற்கான ஆதாரங்களையும் வெளியிட்டு விட வேண்டியது தானே என்றும் கேட்டிருக்கிறார்கள். அது மட்டுமன்றி இவ்வாறான ஒரு விடயத்தை வெளிப்படுத்த ஏன் இவ்வளவு காலம் எடுத்திருக்கிறது என்றும் கேள்வியெழுப்பியிருக்கிறார்கள்.

ஸ்கொட்லண்ட்யார்ட் பொலிஸார் உத்தியோகபூர்வமாக இது குறித்து எதுவும் தெரிவிக்காத நிலையில் தாம் வெளியிட்ட செய்தியை உறுதிப்படுத்த வேண்டிய பொறுப்பு அப்பத்திரிகைகள் மேல் விழுந்து விடுகிறது.

அவர்கள் இதனை நிரூபிக்கத் தவறும் பட்சத்தில் தமிழ் மக்களுடைய நம்பிக்கையை இழந்தவர்களாகி விடுவது மட்டுமல்ல அப்பத்திரிகைகளுடைய ஊடக அறம் கறை படிந்ததாகவும் ஆகிவிடும்.

மறுபுறத்தில் தன் மீது சுமத்தப்பட்டிருக்கும் கறையைக் கழுவி தமிழ் மக்களுடைய போராட்டத்தின் உண்மைத் தன்மையை நிரூபிக்க வேண்டியது பணி பரமேஸ்வரன் சுப்ரமணியத்தின் கைகளில் இருக்கிறது.

- GTN

Read more...

உண்ணாவிரதி பரமேஸ்வரனின் 7.1 மில்லியன் பவுண் மக்டோனால் பேகர் : த ஜெயபாலன்

வன்னியில் மிகப்பெரும் அவலம் நடந்து கொண்டிருக்கையில் உலகெங்கும் உள்ள தமிழர்கள் வீதியில் இறங்கிப் போராடினர். அவர்கள் தங்கள் சக உறவுகளுக்காகத் துடித்தனர். ஆனால் ஒட்டுமொத்த போராட்டத்தையும் புலம்பெயர் புலி ஆதரவு சக்திகள் புலிக்கொடி, பிரபாவின் படம் என புலிமயப்படுத்தி போராட்டத்தை பலவீனப்படுத்தினர். தற்போது ஸ்கொட்லன்ட் யாட் மற்றுமொரு விடயத்தை அம்பலப்படுத்தி உள்ளது. லண்டனில் உண்ணாவிரதம் இருந்த பரமேஸ்வரன் சுப்பிரமணியம் (28) உண்ணாவிரதம் இருந்த காலத்தில் மக்டோனால்ட் சாப்பிட்டுள்ளதை ஸ்கொட்லன்ட் யாட் பொலிஸார் தங்கள் நுணுக்கமான கமராக்கள் மூலம் பதிவாக்கி உள்ளனர்.

பரமேஸ்வரன் சுப்பிரமணியம் உண்ட மக்டோனால்ட்டின் விலை 7.1 மில்லியன் பவுண் என பொலிஸ் உள்வட்டாரங்களில் பேசப்பட்டு உள்ளது. உண்ணாவிரதப் போராட்டம் இடம்பெற்ற 72 நாட்களில் 30 000 பொலிஸார் கடமையில் அமர்த்தப்பட்டு இருந்தனர். அதற்கு அவர்கள் செலுத்திய மேலதிக சம்பளம் 7.1 மில்லியன். பரமேஸ்வரன் சுப்பிரமணியம் மக்டோனாலட் சாப்பிட்டுக் கொண்டிருந்ததை ஸ்கொட்லண்ட் யாட் உத்தியோகத்தர்கள் நம்ப முடியாது லைவ்வாகப் பார்த்துக் கொண்டிருந்தனர். ஆனால் இப்போராட்டம் உணர்ச்சிபூர்வமாக இருந்ததால் ஸ்கொட்லண்ட் யாட் அப்போது இச்சம்பவம் பற்றி கருத்துத் தெரிவிப்பதைத் தவிர்த்து இருந்தது. மேலும் அச்சமயத்தில் கருத்து வெளியிடும் பட்சத்தில் அது வன்முறைக்கு வித்திடலாம் என்ற அச்சமும் காரணமாக இருந்ததாக அவர்கள் தெரிவித்துள்ளனர். (தகவல்: டெய்லி மெயில் லண்டன்)

ஒக்ரோபர் 8 (நேற்று) இத்தகவல் ஸ்கொட்லண்யாட்டினால் வெளியிடப்பட்டதைத் தொடர்ந்து தமிழ் மக்களால் நடத்தப்பட்ட போராட்டங்களுக்கு மிக மோசமான இழுக்கு ஏற்பட்டு உள்ளது. வன்னியில் நிகழ்ந்த பேரவலத்தில் புலிகளுக்கும் மிகுந்த பங்கு இருந்தது. புலிகள் யுத்தப் பகுதியில் மக்களை பணயம் வைத்தே தாக்குதலை நடத்தினர். அப்படி இருந்தும் வெளிநாடுகளில் புலி ஆதரவுத் தமிழர்களால் ஏற்பாடு செய்யப்பட்ட போராட்டத்தில் புலிகள் தடுத்து வைக்கப்பட்டுள்ள தமிழ் மக்களை விடுவிக்க வேண்டுமென எவ்விதமான கோரிக்கையும் வைக்கப்படவில்லை. இந்தப் போராட்டங்கள் அனைத்துமே புலி ஆதரவாளர்களால் தங்கள் அரசியல் நோக்கத்திற்காக பயன்படுத்தப்பட்டது. வன்னியில் உள்ள மக்களை யுத்த முனைக்குள் தள்ளி மிகப்பெரும் அவலத்தை ஏற்படுத்தியதில் இலங்கை அரசுக்கும் புலிகளுக்கும் சமபொறுப்பு உண்டு. புலம்பெயர்ந்த புலி ஆதரவு சக்திகளின் பொறுப்பற்ற போராட்டங்கள் வன்னி மக்களை மிகப்பெரும் அவலத்திற்குள் தள்ளியுள்ளது.

வடமராட்சியைச் சேர்ந்த பரமேஸ்வரன் சுப்பிரமணியம் தமிழீழ விடுதலைப் புலிகளுடன் நெருக்கமானவர். லண்டனில் போராட்டங்களில் புலிகொகொடி பிரபாவின் படம் போன்ற விடயங்களில் இவரே தீவிரமாக இருந்ததாகத் தெரியவருகிறது. பிரித்தானிய அரசு வழங்கிய இரகசிய உறுதிமொழியை அடுத்தே தனது போராட்டத்தை கைவிட்டதாகத் தெரிவித்து இருந்தார். செப்ரம்பர் 29ல் அவரை கொன்வே ஹோலில் சந்தித்து அந்த உறுதிமொழி என்ன வென்று கேட்ட போது அது இன்னமும் இரகசியமாகவே இருப்பதாகத் தேசம்நெற்றுக்குத் தெரிவித்தார்.

ஆனால் பிரித்தானிய இளையோர் அமைப்பினர் சில உள்வீட்டு விடயங்களை வெளியிடுகையில் அவ்வாறான உறுதிமொழி எதுவும் வழங்கப்பட்டதாகத் தெரியவில்லை என்றும் உண்ணாவிரத்தை முடிப்பதற்காக கண்டுபிடிக்கப்பட்ட காரணமே அதுவென்றும் தெரிவிக்கின்றார்.

பரமேஸ்வரன் சுப்பிரமணியத்தின் உண்ணாவிரதப் போராட்டம் மற்றும் போராட்டங்கள் நியாயத்தன்மையைக் கொண்டிருக்காதபடியால் அவை பயனற்ற முயற்சிகள் என்பதனை தேசம்நெற்றில் பல தடவை சுட்டிக்காட்டி இருந்தோம். ஆனால் தற்போது வெளிச்சத்திற்கு வந்துள்ள பரமேஸ்வரன் சுப்பிரமணியத்தின் உண்ணாவிரத விருந்து தமிழ் மக்களது எதிர்காலப் போராட்டங்களுக்கும் ஒரு கறையாக அமையவுள்ளது. இவ்விடயம் தொடர்பாக பரமேஸ்வரன் சுப்பிரமணியத்துடன் தொடர்புகொள்ள மேற்கொண்ட முயற்சிகள் பலனளிக்கவில்லை.


தேசம் நெற்

Read more...

Lankan secretly ate McDonald's burgers during hunger-strike in UK: Police

Oct 10 (PTI) A Sri Lankan secretly ate McDonald's burgers while on a hunger-strike outside the British Parliament to highlight the plight of Tamils during war with the LTTE, it was revealed. According to The Daily Mail, Parameswaran Subramaniyan, 28, had eased his ordeal by eating burgers. The Scotland Yard surveillance teams using specialist monitoring equipment had watched in disbelief as he tucked into the clandestine deliveries. more..

Read more...

Parameswaran Speak to the Tamil People Tamil

Read more...

Hunger striker denies eating Big Mac

By Chris Greenwood, Press Association


Friday, 9 October 2009

A hunger striker today denied tucking into a McDonald's takeaway during one of Britain's longest-running protests.

Tamil Parameswaran Subramaniyan, 28, fasted for 24 days after five of his relatives, including his mother, were killed in fighting in Sri Lanka.


He camped in a makeshift tent on the edge of Parliament Square, in Westminster, London, as thousands of Tamils staged a three-month demonstration.

The protest caused huge controversy in the capital as it sucked up police resources, disrupted roads and left taxpayers with a £7.1 million bill.

It was claimed today that police surveillance teams looked on in amazement as McDonalds burgers were smuggled to Mr Subramaniyan.

One source told the Daily Mail: "In view of the overtime bill, this has got to be the most expensive Big Mac ever."

But Mr Subramaniyan, a student from Mitcham, south London, vehemently denied eating any food during the fast, which he said left him seriously ill.

Speaking through an interpreter, he said: "This is a lie to break the strength of the hunger strike and the protest itself. It is not true at all.

"This has been planted by the Sri Lankan government. We have contacted police and they said they did not release a comment on this or anything about it.

"We just want to prove our innocence. We are totally denying this. It is false news."

The Tamil protest ended in mid-June after 73 days that included several hunger strikes, marches, mass sit-ins and people throwing themselves in the River Thames.

Senior officers were forced to bring in officers from boroughs across London to cope with the sprawling and unpredictable protest.

At one point more than 100,000 people joined a march and rally organised by the British Tamil Forum.

Surges in activity followed developments in Sri Lanka as Government forces wiped out Tamil Tiger militants, leaving many civilians dead.

Mr Subramaniyan's close friend, Sivendran Nadarajah, who accompanied him during his fast, said they are considering legal action.

Mr Nadarajah, a student at London South Bank University, said the hunger strikers were monitored by doctors who kept a log of their deteriorating condition.

He said: "He is ready to go to the courts to prove his innocence and we have started taking to lawyers.

"We are ready to file a case at our own expense and we want to see the evidence that he ate a burger.

"There were thousands of people there during the day and if surveillance teams saw it then others must have seen it too.

"The protest finished three months ago and this is propaganda by the Sri Lankan government to cover up further abuses in Sri Lanka."


Independent

Read more...

மறைத்து உண்ட குற்றச்சாட்டுக்கு லண்டனில் உண்ணாவிரதம் இருந்த தமிழ் இளைஞர் மறுப்பு

இலங்கையில் யுத்தம் உச்சகட்டத்தை எட்டியிருந்த சமயத்தில், உடனடியாக போர்நிறுத்தம் வேண்டும் என்று கோரி லண்டனில் சாகும்வரை உண்ணாவிரதப் போராட்டத்தை நடத்திய தமிழ் இளைஞர், மெக் டோனால்ட்ஸ் பர்கர்களை சாப்பிட்டதாக பிரிட்டிஷ் பத்திரிக்கைகள் வெளியிட்ட செய்திகளை சம்மந்தப்பட்ட இளைஞர் மறுத்துள்ளார்.


இது ஒரு திட்டமிட்ட சதி என்றும் இந்த செய்திகளை வெளியிட்ட இரண்டு நாளிதழ்களுக்கு எதிராக தான் வழக்குத் தொடரப் போவதாகவும் உண்ணாவிரத சர்ச்சையில் சிக்கியுள்ள பரமேஸ்வரன் சுப்பிரமணியன் தமிழோசையிடம் தெரிவித்தார்.


உண்ணாவிரதம் இருந்த பரமேஸ்வரன் பர்கர்களை சாப்பிட்டதை போலீசின் ரகசிய கேமராக்கள் படம்பிடித்துள்ளதாக போலீஸ் வட்டாரங்களை மேற்கொள்காட்டி பிரிட்டிஷ் பத்திரிகைகள் செய்தி வெளியிட்டுள்ளன.

லண்டனில் ஏப்ரல் மே மற்றும் ஜூன் மாதங்களில் இலங்கையில் உடனடியாக போர் நிறுத்தம் செய்யப்பட வேண்டும் என்ற கோரி்க்கையை முன்வைத்து பெரிய அளவிலான போராட்டங்கள் இலண்டனில் உள்ள நாடாளுமன்றக் கட்டிடத்துக்கு முன்பு நடைபெற்றது. இந்தப் போராட்டங்களின் ஒரு பகுதியாகத்தான் உண்ணா விரதப் போராட்டமும் நடைபெற்றது.


இந்தப் போராட்டங்களுக்கு பாதுகாப்பளிக்க பிரிட்டிஷ் போலீசார் சுமார் 7 மில்லியன் பவுண்டுகளை செலவிட்டதாக கூறப்படுகிறது.




BBc Tamil

Read more...

Hunger striker's fury over Met’s ‘secret McDonald's’ claim

Kiran Randhawa and Felix Allen
09.10.09

The hunger striker at the centre of one of Britain's longest-running demonstrations today reacted with fury after being accused of secretly eating McDonald's meals during the rally.

Parameswaran Subramaniyan and his supporters say he fasted for 24 days after finding out that five of his relatives including his mother had died in the conflict in Sri Lanka. He and other Tamil supporters in Westminster were urging the British Government to intervene in the civil war in the country.

Today, the 28-year-old from Tooting stood by the authenticity of his April hunger strike and said is consulting lawyers after the Metropolitan police accused him of lying about it.

Senior Met sources say their surveillance teams, using specialist monitoring equipment, have evidence of him tucking into fast food meals in his tent in Parliament Square.

Mr Subramaniyan is said to be “hurt” by the accusations, which he says are false. Raj Selva, of the Tamil Youth Organisation, said: “He is really upset and quite furious at the claims. I spent a lot of time with him during the 82-day protest and saw what he went through.

“At one point he was so weak he was wheeled about in a wheelchair. At all times, for his own safety, there was somebody with him, usually a doctor. There was no way he was eating.

“Hunger strike for Tamils symbolises so much. There are Asians throughout history who have conducted peaceful protests through fasting, like Gandhi.

“Parameswaran is horrified that he is being portrayed as someone who disrespects the act of fasting in the name of a very serious cause.”

Scotland Yard figures, in a report to the Metropolitan Police Authority, show the protests, which ended in June, cost taxpayers £7.1 million in police overtime.

Crowds reached 5,000 in the square at peak times and 80 were arrested. Officers said they decided not to expose Mr Subramaniyan's alleged secret feasts at the time for fear of provoking a riot. One Met insider said: “In view of the overtime bill, this has got to be the most expensive Big Mac ever.”

During the protests, Dr Josephine Francis, consultant microbiologist at Queen Mary's Hospital in Sidcup, conducted blood and urine tests on Mr Subramaniyan. She warned he was on the brink of kidney failure through starvation.

Suren Surendiran, a protester who spent time with Mr Subramaniyan, said: “There are doctors' reports. Where's the police evidence?” The Met would not officially comment on the case.

London Evening Standard

Read more...

உலகை ஏமாற்றிய உண்ணாவிரதம்

லண்டன் பாராளுமன்றத்திற்கு முன்னாள் உண்ணாவிரதமிருந்த பரமேஸ்வரன் சுப்பிரமணியன் இரகசியமாக McDonald's burgers சாப்பிட்டார்?

 இச்செய்திக்கு பிரிட்டிஷ் பொதுமக்களால் எழுதப்பட்டுள்ள நல்ல சூடான கருத்துகளை கிழே உள்ள இணைப்பில் வாசித்து மகிழுங்கள்.

Tamil takeaways: 'Hunger striker' Parameswaran Subramaniyan, sitting outside the Houses of Parliament, secretly ate McDonald's burgers

Hunger striker's £7m Big Mac: Tamil who cost London a fortune in policing was sneaking in fast-food


By Stephen Wright


09th October 2009


He was the hunger striker at the centre of one of the longest-running demonstrations ever mounted in Britain.


For weeks Parameswaran Subramaniyan lay in a tent outside the Houses of Parliament as Tamils protested about the plight of relatives under attack in Sri Lanka.


At one stage, his supporters claimed he was 'critically weak'.


Tamil takeaways: 'Hunger striker' Parameswaran Subramaniyan, sitting outside the Houses of Parliament, secretly ate McDonald's burgers
The protest finally ended in June, but two revelations put it back in the spotlight yesterday.


First, police said it had left them with a £7.1million overtime bill.


Then it emerged that Mr Subramaniyan, 28, had eased his ordeal by secretly eating McDonald's burgers.


Scotland Yard surveillance teams using specialist monitoring equipment had watched in disbelief as he tucked into the clandestine deliveries.


A police insider said: 'In view of the overtime bill, this has got to be most expensive Big Mac ever.'


Scotland Yard made no official comment but senior sources said police decided against dragging the bogus hunger striker out of his tent for fear it would start a riot.


One source said: 'This was such a sensitive operation that it was felt officers could inflame the situation if we brought the hunger strike and demonstration to a premature end. This is a further example of the complexities of policing London today.'


The Yard figures revealed that officers pocketed nearly five times more overtime on the Tamil demonstration - which at times brought Westminster traffic to a standstill - than they did for the G20 summit of world leaders in the capital in early April.


The overtime bill for policing the Tamils was nearly as much as the one for foiling the country's biggest-ever terrorist plot, to blow up several trans-Atlantic flights in 2006, which added up to £7.3million.


The police response to the 7/7 terrorist attacks in London in 2005 resulted in overtime payments of £21.7million.


Yard insiders believe the huge amount of resources diverted to the 72-day Tamil demonstrations contributed to a 9 per cent increase in burglary across London in the past six months.

Riotous: Police carry out their operation to clear protesters who were blocking a nearby road

Police mounted a 24-hour presence in Parliament Square from April 6 to June 17.

Several hundred protesters were at the site every day with the numbers swelling to thousands each time there were fresh reports of civilian deaths during the Sri Lankan government's offensive to end its 25-year civil war against the separatist Tamil Tigers.


Protesters were calling on Britain to stop Sri Lanka shelling the last rebel-held enclave, where thousands of civilians were trapped.


Details of the over-time bonanza were revealed in a paper submitted to the Metropolitan Police Authority, which oversees the running of Britain's biggest force.


Tim Hollis, a vice president of the Association of Chief Police Officers, said in the MPA paper: 'Overtime figures reflect the realities of modern policing, including its unpredictability.
It must be remembered that overtime generally reflects a cost effective and flexible way of meeting additional demands.


'It must, however, be always carefully monitored, calculated and authorised.'


The Metropolitan Police said in a statement: 'The policing operation for the demonstration within Parliament Square also catered for a number of associated events and protest sites.

Expensive burger: 'Hunger striker' Subramaniyan smuggled burgers in during his protest


'This included an increase in resources for Prime Minister's Questions, the London Marathon, a march in support of the Tamil community totalling 110,000 people-and protests at the Indian and Sri Lankan High Commissions.


'A total of 29,838 officers worked during this 72-day period.


'Levels of officers deployed varied based on what police were dealing with.


'The peak for the static protest in Parliament Square reached 5,000. A march on April 11 was attended by in the region of 100,000 people.'


Around 80 people were arrested in connection with the demonstrations.


Earlier this year it emerged that one unidentified constable in the Met was paid more than £100,000 after doubling his salary with overtime-The force declined to identify where the officer worked, but those involved in royalty and diplomatic protection overseas are traditionally among the top earners.


Official figures also showed that Met officers earned the most in overtime of any force.


There were 2,296 PCs taking home between £50,000 and £60,000 a year; 339 collecting more than £60,000; 53 on £70,000 or more and 12 over £80,000 - at least £38,000 more than their basic salaries.


More than 12,000 PCs in 35 of the 51 forces in England, Scotland and Wales claimed over £6,000 each in overtime last year - a rise of 20 per cent on their salaries.

Dailymail

Read more...