புதிய கிளிநொச்சி

கிளிநொச்சி மீள்குடியேற்றம் அதன் பின்னான மக்களின் இயல்பு வாழ்வு என்றெல்லாம் பல்வேறு செய்திகள் நாளுக்கு நாள் வெளிவந்தாலும் உண்மையில் கிளிநொச்சியின் நிலைப்பாடு தொடர்பில் வெளி உலகிற்கு தெரிந்திருக்க வாய்ப்பில்லை.

Read more...

வன்னியில் மக்களின் அவலம் (வீடியோ)

Read more...

வன்னி மக்களுக்காக யாழ் பல்கலைக்கழகத்தில் பிரார்த்தனை

வன்னி மக்களின் பாதுகாப்பை வலியுறுத்தி யாழ் பல்கலைக்கழகத்தில் பிரார்த்தனை நிகழ்வுகள் நடைபெற்று வருகின்றன. கடந்த திங்கட்கிழமை முதல் இந்த நிகழ்வுகள் நடைபெற்று வருகின்றன.



வன்னியில் நடத்தப்படும் தாக்குதல்களில் அப்பாவித் தமிழ் மக்கள் கொல்லப்படுவதை நிறுத்த வேண்டும், அம்மக்களைப் பாதுகாப்பதற்கு உடனடி நடவடிக்கை எடுக்க வேண்டுமெனக் கோரியே யாழ் பல்கலைக்கழக மாணவர் ஒன்றியம் இந்த மௌனப் பிரார்த்தனையையும், உபவாசத்தையும் ஏற்பாடு செய்துள்ளது.


வன்னியிலிருந்து இடம்பெயர்ந்து முகாம்களில் தங்கவைக்கப்பட்டிருக்கும் மக்கள் மனிதாபிமானத்துடன் நடத்தப்பட வேண்டுமெனவும் அவர்கள் கோரிக்கை விடுத்துள்ளனர்.


அத்துடன், இலங்கையில் சமாதானத்தை ஏற்படுத்துவதற்கான அழுத்தத்தை சர்வதேசம் வழங்கவேண்டுமெனவும் யாழ் பல்கலைக்கழக மாணவர் ஒன்றியம் தெரிவித்துள்ளது.


இதேவேளை, கடந்த சில வாரங்களுக்கு முன்னர் வன்னியிலுள்ள மக்களைப் பாதுகாக்கக் கோரி யாழ் பலைக்கலைக்கழக மாணவர் ஒன்றியம் வகுப்புக்களைப் பகிஷ்கரிக்கும் போராட்டமொன்றை நடத்தியிருந்தமை இங்கு குறிப்பிடத்தக்கது.

Read more...

வன்னி மக்கள் குறித்து நோர்வே அக்கறை

இலங்கையில் தோன்றியிருக்கும் நிலைமைகள் தொடர்பாகக் கவனம் செலுத்தியிருப்பதாக இலங்கையின் சமாதான முயற்சிகளில் அனுசரணைப் பணியாற்றிய நோர்வே தெரிவித்துள்ளது.

மோதல்களில் இலட்சக்கணக்கானவர்கள் சிக்குண்டிருப்பதுடன், ஏற்றுக்கொள்ள முடியாதளவு இழப்புக்கள் பொதுமக்களுக்கு ஏற்பட்டிருப்பதாக நோர்வே வெளிவிகார அமைச்சு வெளியிட்டுள்ள அறிக்கையில் குறிப்பிடப்பட்டுள்ளது.

இலங்கை அரசாங்கமும், விடுதலைப் புலிகளும் சர்வதேச சட்டங்களை மதித்து நடக்கவேண்டுமென இணைத்தலைமை நாடுகள் கடந்த 3ஆம் திகதி வெளியிட்டிருந்த அறிக்கையை வரவேற்பதாக நோர்வேயின் வெளிவிவகார அமைச்சின் அறிக்கையில் தெரிவிக்கப்பட்டுள்ளது.

மோதல்கள் நடைபெறும் பகுதிகளிலிருந்து பொதுமக்கள் வெளியேறுவதற்கு அனுமதிக்கப்பட வேண்டுமெனச் சுட்டிக்காட்டியிருக்கும் நோர்வே வெளிவிவகார அமைச்சர், மனிதநேய உதவிகள் பாதிக்கப்பட்ட மக்களைச் சென்றடைவதும், மனிதநேயப் பணியாளர்களின் பாதுகாப்பும் உறுதிப்படுத்தப்பட வேண்டுமெனவும் கூறியுள்ளார்.

அத்துடன், மோதல்கள் நடைபெறும் பகுதிகளிலிருந்து வெளியேறிய மக்கள் சர்வதேச சட்டங்களுக்கு அமைய நடத்தப்பட வேண்டுமெனக் கோரிக்கை விடுத்திருக்கும் நோர்வே, அவர்களைப் பராமரிப்பதில் ஐக்கிய நாடுகள் சபையும், சர்வதேச செஞ்சிலுவைச் சங்கமும் முக்கிய பங்கு வகிக்க வேண்டுமெனத் தெரிவித்துள்ளது.

விடுதலைப் புலிகளுக்கும், இலங்கை அரசாங்கத்துக்கும் இடையில் செய்துகொள்ளப்பட்ட போர்நிறுத்த உடன்படிக்கை இரத்துச் செய்யப்பட்டமையைத் தொடர்ந்து நோர்வே, அனுசரணையாளர் பணியிலிருந்து வெளியேறியிருந்தமை இங்கு குறிப்பிடத்தக்கது.

Read more...

வன்னி மோதல் பகுதியில் உணவு நெருக்கடி ஜன. 16 இன் பின் லொறிகள் செல்லவில்லை

வன்னியில் உணவு நெருக்கடி தலை தூக்கியிருப்பதாக ஐ.நா. எச்சரித்துள்ளது.மோதல்பகுதியில் சிக்குண்டிருக்கும் இலட்சக்கணக்கான பொதுமக்கள் உணவு நெருக்கடியை எதிர்நோக்குவதாக உலக உணவுத்திட்டத்தின் பேச்சாளர் எமிலா காசெல்லா ஜெனீவாவில் வெள்ளிக்கிழமை நிருபர்களுக்கு தெரிவித்துள்ளார்.

மனிதாபிமான நிவாரண உதவியிலேயே 2 1/2 இலட்சம் மக்கள் முழுமையாக தங்கியிருப்பதாகவும் ஆனால், ஜனவரி 16 இற்குப் பின்னர் மோதல் இடம்பெறும் பகுதிகளுக்கு உணவுப்பொருட்கள் எடுத்துச்செல்லப்படவில்லை என்றும் அவர் தெரிவித்ததாக ஏ.பி.செய்திச்சேவை குறிப்பிட்டுள்ளது.

"மனிதாபிமானபாதை'யூடாக உணவு லொறிகள் செல்வதற்காக கடந்த வியாழக்கிழமை காத்திருந்தபோதும் அரச அதிகாரிகளிடமிருந்து தேவையான அனுமதி கிடைக்காததால் போகமுடியவில்லை எனவும் இனி அடுத்த வியாழக்கிழமை வரை காத்திருக்கவேண்டியிருப்பதாகவும் அவர் கூறியுள்ளார். அத்துடன் மேலும் விநியோகிப்பதற்கான கையிருப்பு தங்களிடம் இல்லையெனவும் தமது பணியாளர்கள் தற்போது ஒளிந்துகொண்டு இருப்பதாகவும் அவர் கூறியுள்ளார்.

Read more...

பொன்னம்பலம் தனியார் மருத்துவமனை மீது நடத்திய தாக்குதலில் நோயாளர் 61பேர் படுகொலை

முல்லைத்தீவு மாவட்டத்தில் உள்ள புதுக்குடியிருப்பில் இயங்கி வந்த "மருத்துவர் பொன்னம்பலம் நினைவு மருத்துவமனை" மீது சிறிலங்கா வான்படையின் "மிக்" ரக வானூர்திகள் நடத்திய குண்டுத் தாக்குதலில் அங்கு சிகிச்சை பெற்று வந்த 61 நோயாளர்கள் படுகொலை செய்யப்பட்டுள்ளனர்.

வன்னி எங்கும் நேற்றும் இன்றும் நடத்தப்பட்ட தாக்குதல்களில் மட்டும் 126 தமிழர்கள் படுகொலை செய்யப்பட்டுள்ளதுடன் 238 பேர் காயமடைந்துள்ளனர்.
புதுக்குடியிருப்பில் உள்ள "மருத்துவர் பொன்னம்பலம் நினைவு மருத்துவமனை" மீது நேற்று வெள்ளிக்கிழமை முற்பகல் 10:00 மணியளவில் சிறிலங்கா வான்படை குறிவைத்து குண்டுத் தாக்குதலை நடத்தியது.

இதில், அங்கு காயங்களுக்கு சிகிச்சை பெற்றுவந்த நோயாளர்கள் இருந்த நிலைலேயே மருத்துவமனை முற்றாக அழிக்கப்பட்டு விட்டது.
இதில் 61 வரையான நோயாளர்கள் படுகொலை செய்யப்பட்டுள்ளனர் என மருத்துவமனை வட்டாரங்கள் தெரிவித்துள்ளன.

இந்த நோயாளர்களில் பெருமளவிலானோர் தமது உறவினர்களின் தொடர்புகளை இழந்து, அவர்களின் தொடர்பிற்காக காத்திருந்து சிகிச்சை பெற்று வந்தவர்கள் எனவும் எமது செய்தியாளர் மேலும் தெரிவிக்கின்றார்.

இத்தாக்குதலின் போது வீதியால் சென்று கொண்டிருந்த 12 பேர் காயமடைந்துள்ளனர்.

Read more...

வன்னியில் நேற்றும் பீரங்கித் தாக்குதல் 48 பொதுமக்கள் பலி; 174 பேர் காயம்

வன்னியில் நேற்றுப் பரவலாக நடத்தப்பட்ட பீரங்கித் தாக்குதல்களில் 48 தமிழர்கள் படுகொலை செய்யப்பட்டுள்ளதுடன் 174 பேர் காயமடைந்துள்ளனர் எனத் இணையத்தளங்கள் செய்தி வெளியிட் டுள்ளன.
இதுகுறித்து மேலும் அவற்றில் தெரிவிக்கப்பட்டிருப்பவை வருமாறு முல்லைத்தீவு மாத்தளான் பகுதியில் நேற்று வெள்ளிக்கிழமை காலை 8 மணியளவில் நடத்தப்பட்ட ஆட்லெறி பீரங்கித் தாக்குதலில் 5 பொதுமக்கள் படுகொலை செய்யப்பட்டு 13 பேர் காயமடைந்துள்ளனர்.
இதேவேளை, முல்லைத்தீவு தேவிபுரம் பகுதியில் நேற்று பிற்பகல் 12 மணியளவில் நடத்தப்பட்ட ஷெல் தாக்குதலில் சிறுவர்களான சகோதரர்கள் இருவர் படுகொலை செய்யப்பட்டுள்ளனர்.
இதேபோல, தேவிபுரம் ஆற்றங்கரைப் பகுதியில் இடம்பெயர்ந்து தங்கியிருந்த மக்களின் குடிசைகள் மீது நேற்று நடத்தப்பட்ட ஆட்லெறி ஷெல் மற்றும் பல்குழல் தாக்குதல்களில் 2 பேர் பலியானதுடன் 22 பேர் காயமடைந்துள்ளனர்.
முல்லைத்தீவு சுதந்திரபுரம் வீட்டுத்திட்டம் மீது நேற்று பிற்பகல் 4.35 மணியளவில் நடத்தப்பட்ட ஆட்லெறி மற்றும் பல்குழல் மற்றும் பீரங்கித் தாக்குதலில் 6 பொதுமக்கள் படுகொலை செய்யப்பட்டுள்ளதுடன் 75 பேர் காயமடைந்துள்ளனர்.
இதேவேளை, முல்லைத்தீவு மூங்கிலாறு பகுதி மீது நேற்று நடத்தப்பட்ட ஆட்லெறி மற்றும் பல்குழல் மற்றும் பீரங்கித் தாக்குதல்களில் 11 பேர் படுகொலை செய்யப்பட்டுள்ளனர்.
முல்லைத்தீவு உடையார்கட்டு பகுதியில் நடத்தப்பட்ட தாக்குதல்களில் 8 பேர் படுகொலை செய்யப்பட்டுள்ளனர்.
முல்லைத்தீவு வள்ளிபுனம் பகுதி மீது நேற்று நடத்தப்பட்ட ஆட்லெறி, பல்குழல் மற்றும் பீரங்கித் தாக்குதல்களில் 14 பேர் படுகொலை செய்யப்பட்டுள்ளனர்.
மேலும் மூங்கிலாறு, உடையார், வள்ளிபுனம் ஆகிய மூன்று இடங்களிலும் நடந்த தாக்குதல்களில் மட்டும் மொத்தமாக 64 பேர் காயமடைந்துள்ளனர் என்றுள்ளது.

Read more...

கஞ்சிக்காக சிரட்டையுடன் அலையும் குழந்தைகள்

வன்னியிலிருந்து வவுனியாவுக்கு வந்தவர்களில் பலர் காணாமல் போயுள்ளதுடன், இன்னும் பலர் சித்திரவதைகளுக்குட்படுத்தப்பட்டுள்ளதாக குற்றம் சாட்டிய தமிழ் தேசிய கூட்டமைப்பின் வன்னி மாவட்ட எம்.பி.செல்வம் அடைக்கலநாதன், வவுனியாவில் நலன் புரி நிலையங்களென்ற பேரில் அமைக்கப்படும் தடுப்பு முகாம்களில் 10 வருடங்களுக்கு மக்களை தடுத்து வைக்க அரசு திட்டமிட்டுள்ளதாகவும் தெரிவித்தார்.

பாராளுமன்றத்தில் நேற்று வியாழக்கிழமை இடம் பெற்ற அவசரகாலசட்ட நீடிப்பு விவாதத்தில் உரையாற்றுகையிலேயே இவ்வாறு தெரிவித்த அவர் மேலும் கூறியதாவது;

வன்னியிலிருந்து வவுனியாவுக்கு வருபவர்களை இராணுவத்தினர் வடிகட்டி பிரித்தெடுக்கின்றனர். இவர்களில் பலர் காணாமல் போயுள்ளனர். பலர் சித்திரவதைகளுக்குட்படுத்தப்பட்டுள்ளனர்.

மெனிக்பாம், நெலுக்குளம், அடம்பன் ஆகிய மூன்று இடங்களில் நலன்புரிநிலையங்கள் என்ற பேரில் தடுப்பு முகாம்கள் உருவாக்கப்படுகின்றன. இங்கு மக்களை 10 வருடங்களுக்கு தடுத்து வைக்கும் திட்டம் அரசிடம் உள்ளது. அதற்கான வேலைத் திட்டங்களே அங்கு முன்னெடுக்கப்படுகின்றன.

எனவே வன்னியிலிருந்து வரும் மக்கள் சர்வதேச நிறுவனங்களின் மேற்பார்வையில், அவர்களின் அனுசரணையில் தங்கவைக்கப்பட வேண்டும். அவர்களுக்கான பாதுகாப்பு உறுதி மொழியை ஐ.நா.சபை கொடுக்க வேண்டுமென இச் சபையில் கோருகின்றேன்.

வன்னிப் பகுதியில் மக்கள் இனப் படுகொலை செய்யப்படுகின்றனர் ஆடு,மாடுகளைப் போல் வன்னி வீதிகளில் மக்களின் உடல்கள் சிதறிக் கிடக்கின்றன. இறந்தவர்களை புதைக்கக் கூட முடியாத நிலையில் மக்கள் ஓடிக் கொண்டிருக்கிறார்கள். படையினரால் மழைபோல் ஏவப்படும் ஷெல்கள் மக்களின் தலைகளில் தான் விழுந்து வெடிக்கின்றன. வீதி வீதியாக மனித உடல்கள் சிதறிக்கிடக்கின்றன.

அங்கு கஞ்சிக்காக சிறுவர்கள் சிரட்டைகளுடன் அலைந்து திரிகின்றனர். விருந்தோம்பலுக்கு சிறப்புப் பெற்ற தமிழினம் இன்று ஒரு வேளை கஞ்சிக்காக சிரட்டைகளுடன் அலைந்து திரியும் பரிதாப நிலை வன்னியில் ஏற்பட்டுள்ளது. வன்னி சோமாலியாவின் நிலைக்கு வந்து விட்டது. மனித இனம் எதையெல்லாம் பார்க்கக் கூடாதோ எதையெல்லாம் அனுபவிக்கக் கூடாதோ அதையெல்லாம் தமிழினம் வன்னியில் அனுபவிக்கின்றது.

காயப்பட்டவர்களுக்கு விறைப்பு ஊசி போடமலே சிகிச்சையளிக்கப்படுகின்றது. விறைப்பூசி போடாமல் காயமடைந்தவர்களின் அவயவங்கள் வெட்டி அகற்றப்படுகின்றன. இந்த வேதனைகளை சிங்களவர்கள் என்றாவது அனுபவித்திருப்பார்களா? உங்கள் குழந்தைகளுக்கு இவ்வாறு ஒரு நிலை ஏற்பட்டால் உங்களால் தாங்க முடியுமா?

ஜனாதிபதிக்கோ அல்லது அரசில் உள்ள அமைச்சர்களுக்கோ மனிதாபிமானம் கொஞ்சம் கூட இல்லையா? ஏன் தமிழினத்தை கொடுமைப்படுத்துகிறீர்கள்? கொன்றொழிக்கிறீர்கள்?

அரசியல் கட்சிகள் என்ற பேரில் இராணுவத்தோடு சேர்ந்து ஆயுதக்குழுக்களும் தமிழ் மக்கள் மீது அடக்கு முறையை கட்டவிழ்த்து விட்டுள்ளன.

Read more...

புலிகளின் பிரதேசத்தில் இருந்து ஆயிரக்கணக்காக மக்கள் வெளியேறி பாதுகாப்பான பிரதேசங்களுக்கு வந்துள்ளனர்.

புலிகளின் கட்டுப்பாட்டுப் பகுதியிலிருந்து எழுநூறுக்கு மேற்பட்டோர் இன்று (05) இராணுவக் கட்டுப்பாட்டுப் பகுதிகளான விஸ்வமடு மற்றும் தர்மபுரம் பிரதேசங்களுக்கு வந்துள்ளரென பாதுகாப்புக்கான ஊடக மத்திய நிலையம் தெரிவித்தது. இதேவேளை, நேற்று (04) 77 குடும்பங்களைச் சேர்ந்த 214 பேர் புலிகளின் கட்டுப்பாட்டுப் பிரதேசத்திலிருந்து ஓமந்தைக்கு வந்ததாகவும் ஊடக மத்திய நிலையம் மேலும் தெரிவித்தது.

At least 700 civilians cross to safety in Sri Lanka

COLOMBO (Reuters) - At least 700 civilians fled Sri Lanka's northern war zone to a government-controlled area on Thursday, the military said, a day after the United Nations said 52 people had been killed by shelling.

Fighting continued as the army has closed in on the separatist Liberation Tigers of Tamil Eelam (LTTE) holding out in a 300-sq km (115-sq mile) slice of jungle in the northeast, aiming to end one of Asia's longest-running conflicts.

"About 700 civilians had come to a military-controlled area today morning and many more are coming," said military spokesman Brigadier Udaya Nanayakkara.

Some 70,000 people have been killed in the fighting since the conflict began in 1983.

The United Nations said Wednesday at least 52 people were killed and 80 wounded by shelling in the war zone as the United States and Britain urged a cease-fire in Sri Lanka to evacuate casualties and allow relief into the war zone.

Aid agencies have expressed concern about 250,000 people trapped in Tiger-held areas, but the government says the number is about half that.

The government has urged civilians to enter a "safety zone" it had demarcated and said it will not be responsible for civilians who do not leave rebel-held areas.

The International Committee of the Red Cross (ICRC) said on Wednesday the only hospital, which is packed with patients, in the Tamil Tiger rebel-held area had been evacuated after being continuously shelled.

(Reporting by Ranga Sirilal; Editing by Sugita Katyal)

Read more...

புதுக்குடியிருப்பு வைத்தியசாலை மூடப்பட்டது : சர்வதேச செஞ்சிலுவைச் சங்கம்

விடுதலைப் புலிகளின் கட்டுப்பாட்டுப் பகுதியிலிருந்த இறுதி வைத்தியசாலையான புதுக்குடியிருப்பு வைத்தியசாலையும் மூடப்பட்டிருப்பதாக மனிதநேய அமைப்புக்கள் தெரிவித்துள்ளன.



கடந்த சில நாட்களாக புதுக்குடியிருப்பு வைத்தியசாலையை அண்மித்த பகுதிகளில் எறிகணைகள் வீழ்ந்து வெடித்திருப்பதால் அங்கிருந்து வெளியேற வைத்தியர்களும், வைத்தியசாலை நிர்வாமும் தீர்மானித்ததாக சர்வதேச செஞ்சிலுவைச் சங்கம் கூறுகிறது.


புதுக்குடியிருப்பு வைத்தியசாலையிலிருந்த நோயளர்கள் பாதுகாப்பாக வடகிழக்குக் கரையோரப் பிரதேசமான புதுமாத்தளன் பகுதிக்கு இடம்மாற்றப்பட்டிருப்பதாக சர்வதேச செஞ்சிலுவைச் சங்கத்தின் இலங்கைக் கிளையின் பேச்சாளர் சரசி விஜயரட்ன தெரிவித்தார்.


அந்தப் பகுதியில் குடிநீர் வசதிகள் போதியளவு இல்லையென அவர் குறிப்பிட்டுள்ளார். எனினும், சர்வதேச செஞ்சிலுவைச் சங்கம் அந்தப் பகுதியில் தொடர்ந்தும் பணியாற்றிவருவதாக அவர் கூறினார்.


இதேவேளை, இலங்கை அரசாங்கத்தால் உருவாக்கப்பட்ட பாதுகாப்பு வலயத்துக்குள் நடத்தப்பட்ட தாக்குதல்களில் செவ்வாய்க்கிழமை 52 பொதுமக்கள் கொல்லப்பட்டதுடன், 80 பேர் காயமடைந்திருப்பதாக கொழும்பிலுள்ள ஐக்கிய நாடுகள் அலுவலகத்தின் பேச்சாளர் கோர்டன் வெய்ஸ் தெரிவித்துள்ளார்.


“வன்னிப் பகுதியில் எஞ்சியிருந்த மருத்துவ மனையும் மூடப்பட்டுள்ளது” என அவர் கூறினார்.

Read more...

வன்னி முகாங்களில் துன்புறுத்தப்படும் தமிழ்ப் பெண்கள்

வன்னியில் நிலைமைகள் மிகவும் மோசமாக உள்ளன. மக்கள் தினமும் செத்துக்கொண்டு இருக்கிறார்கள். இலங்கையின் வரலாற்றில் இப்போதுதான் மிகப்பெரிய மனிதப் படுகொலை நடைபெற்று வருகின்றது. ஊடக அடக்குமுறை காரணமாக இவை வெளிவருவதில்லை.
பாதுகாப்பு வலயம் என்று முல்லைத்தீவில் இலங்கை அரச இராணுவத்தினால் அறிவிக்கப்பட்ட யுத்தசூனியப் பகுதிக்குள் மக்களை உள்வர வைத்து அதற்குள் பலத்த எறிகணைத் தாக்குதலை நடத்தி பாரிய இனப் படுகொலையை இலங்கை அரசு தீவிரப்படுத்தியுள்ளது. புதுக்குடியிருப்பு வைத்தியசாலை மற்றும் அதனைச் சார்ந்த பகுதிகளுள் எறிகணைத் தாக்குதலில் மக்கள் கொல்லப்பட்டபோது, ‘பாதுகாப்பு வலயப்பகுதி இருக்கும்போது ஏன் இந்தமக்கள் புதுக்குடியிருப்பில் நின்றார்கள்’ எனக் கேள்வி கேட்ட இலங்கைப் பாதுகாப்புப் பேச்சாளர், பின்னர் உடையார்கட்டு பாதுகாப்பு வலயத்தினுள் அமைந்திருந்த வைத்தியசாலை மீது தாக்குதல் நடாத்தப்பட்டபோது ‘பிரதான அரச வைத்தியசாலை புதுக்குடியிருப்பில் இருக்கும்போது ஏன் மக்கள் உடையார்கட்டில் நின்றார்கள்’ என்று கேள்வி கேட்கின்றார். இது B.B.C செய்தியைக் கேட்டவர்களுக்கு நன்கு புரிந்திருக்கும். இது மற்றவர்களை முட்டாள்களாக்கும் விடயமாகக் காணப்படுகின்றது.

இன்னுமோர் சந்தர்ப்பத்தில் பேட்டி அளித்த பாதுகாப்புப் பேச்சாளர் ‘மக்களின் பாதுகாப்பு வலயம் மீது தாம் தாக்குதல் நடாத்தவில்லை’ என்று கூறிவிட்டு பின் ஒரு சந்தர்ப்பத்தில் ‘அங்கு இறந்தவர்கள் அனைவரும் புலிகள்’ என்கிறார். மக்களுக்கான பாதுகாப்பு வலயத்தினுள் ஏவப்பட்ட எறிகனைகள் புலிகளை மாத்திரம் தேடித் தாக்கியிருக்கின்றன என்பது மற்றவர்களை முட்டாள்கள் ஆக்கும் பேச்சாக உள்ளது. உண்மை அங்கு இறந்த 700க்கும் மேற்பட்டவர்களும் காயமடைந்த அனைவரும் அப்பாவித்தமிழ் மக்கள் என்பதேயாகும்.

குண்டு வீச்சிற்குத் தாக்குப் பிடிக்க முடியாது அரச கட்டுப்பாட்டுப் பகுதிகளுக்குள் வரும் மக்கள் 500க்கும் மேற்பட்டவர்கள் காணாமல் போய் உள்ளனர். குறிப்பாக இளம்வயதினர் காணாமல் போயுள்ளனர். இவர்களில் 148 பேர் எந்தவித மரணவிசாரணையும் இன்றி வவுனியா பூந்தோட்டம் மயானத்தில் புதைக்கப்பட்டுள்ளனர். 27-01-2009 செவ்வாய்க் கிழமை 5 இளம் பெண்களின் உடல்கள் படையினரால் ஒப்படைக்கப்பட்டிருந்தன. இவை பாலியல் வல்லுறவிற்கு உட்படுத்தப்பட்டு வாய்க்குள் துப்பாக்கியால் சுடப்பட்டுக் காணப்பட்டன. இவர்களின் உடல்களில் கடிகாயங்கள் பரவலாகக் காணப்பட்டதாக நேரில் பார்த்தவர்கள் கூறினர். வன்னியில் இருந்து வந்தவர்களைத் தடுத்து வைத்துள்ள நலன்புர் நிலையங்களில் இளம் வயதினர் காணாமல் போய்க்கொண்டிருக்கிறார்கள். இவர்கள் இராணுவத்தால் கடத்தப்பட்டுக் கொலை செய்யப்படுகின்றார்கள். இராணுவம் இவர்கள் தப்பிச்சென்றுவிட்டார்கள் என்று கூறித் தப்பிவிடுகின்றது.

பெற்றோரும் உறவினரும் பிள்ளைகளையும் உறவுகளையும் பறிகொடுத்துவிட்டுத் தவிக்கின்றனர். முகாங்களில் இளையவர்கள் அடிமைகளாக இராணுவத்தால் வேலை வாங்கப்படுகின்றனர். இவ்முகாங்களில் இருந்து வெளியில் சென்று வர அனுமதிக்கப்படுவதில்லை. இது போன்ற பல்வேறுபட்ட துன்பங்களால் மக்கள் கொல்லப்பட்டும் துன்புறுத்தப்பட்டுக் கொண்டும் இருக்கின்றனர். மேற்குறிப்பிட்ட விடயங்கள் வவுனியா, மன்னார்ப்பகுதி மக்களுக்கும் இலங்கையில் உள்ள நேர்மையான ஊடகத்துறையினருக்கும் தெரிந்த விடயமாகும். இருப்பினும் உயிர் அச்சுறுத்தல் காரணமாக எவரும் வாய்திறப்பதில்லை. தமிழ் ஊடகங்களில் கூட இச்செய்திகள் வெளிவருவதில்லை

வவுனியா தடுப்பு முகாங்களில் தடுத்து வைக்கப்பட்டுள்ள இளம் பெண்களை இரவு வேளைகளில் அங்கு அமைக்கப்பட்டுள்ள சிறுகூடுகளுக்குள் விசாரணை என்று கூறி அழைத்துச் சென்று பலரை பாலியல் சேட்டைகளுக்கு உட்படுத்தியுள்ளனர். பலரை பாலியல் வல்லுறவிற்கு உட்படுத்தியுள்ளனர். இங்குள்ளவர்கள் வெளியில் சென்றுவரவோ வெளியில் உள்ளவர்கள் உட்செல்லவோ அனுமதி இல்லை. இவ்விடயம் சம்மந்தமாக இங்கு சென்று வரும் வைத்தியசாலைப் பணியாளர்களுக்கு ஒரு முறைப்பாடு கிடைத்துள்ளது. ஏனையவர்கள் வெளியில் செல்லப் பயப்படுகின்றார்கள். இதைத் தடுப்பதற்கு ஏதாவது சட்டநடவடிக்கை எடுக்காவிட்டால் நிலைமை இன்னும் மோசமாகும். இது போன்ற இன்னும் பல பிரச்சனைகள் உள்ளன.

Tamilwin

Read more...

புதுக்குடியிருப்பு, சுதந்திரபுரம் பகுதிகளில் நேற்று மட்டும் 58 பேர் பலி; 84 பேர் காயம்

முல்லைத்தீவு மாவட்டத்திலுள்ள புதுக்குடியிருப்பு மற்றும் சுதந்திரபுரம் பகுதிகளில் நடத்தப்பட்ட ஷெல் மற் றும் பீரங்கிக் குண்டுத் தாக்குதல்களில் நேற்று மட்டும் 58 பேர் கொல்லப்பட்டனர்; 84 பேர் காய மடைந்துள்ளனர் என்று இணையத் தளங்கள் செய்தி வெளியிட்டுள்ளன. கொல்லப்பட்டவர்களில் பிஞ்சுக்குழந்தைகள் இரண் டும் அடங்குகின்றன.
பீரங்கித் தாக்குதல்கள் தொடர்வதால் காயமடைந்தவர் களை காப்பாற்றும் நடவடிக்கைகளும் சரிவர இடம் பெறவில்லை. இதனால் உயிரிழப்புகள் மேலும் அதிகரிக் கலாம் எனத் தெரிவிக்கப்பட்டது.கொல்லப்பட்டவர்களின் சடலங்கள் வீதிகளிலும் வளவுகளிலும் சிதறிக்கிடப் பதாகவும் அவை ஆங்காங்கே அடக்கம் செய்யப்பட்டு வருகின்றன என்றும் இணையத் தகவல்கள் தெரிவிக்கின்றன.


புதுக்குடியிருப்பு மருத்துவமனை மீது நேற்றுப் பிற்பகல் குறைந்தது இரண்டு தடவைகள் பீரங்கித் தாக்குதல் நடத்தப் பட்டுள்ளது. பிற்பகல் 5.30 மணிக்குப் பிறகு இடம்பெற்ற இத் தாக்குதல்களில் சத்திர சிகிச்சைப் பிரிவு பலத்த சேதம டைந்தது. உயிர்ச்சேதங்கள் குறித்த விவரம் தெரியவில்லை. உடையார்கட்டு மருத்துவமனையில் நேற்று 12 சடலங்கள் ஒப்படைக்கப்பட்டுள்ளன. அங்கு பீரங்கித் தாக்குதலில் காயமடைந்த 16 பேர் சிகிச்சை பெற்று வருகின்றனர்.சுதந்திரபுரம் மருத்தவமனையில் நேற்று 10 சடலங்கள் கையளிக்கப்பட்டன. அங் கும் பீரங்கித் தாக்குதலில் காயமடைந்த 44 பேர் சிகிச்சை பெற்று வருகின்றனர்.
நேற்று நடைபெற்ற மீட்புப் பணிகளில் மொத்தம் 55 சடலங்கள் மீட்கப்பட்டுள்ள தாக தெரிவிக்கப்பட்டது.

பீரங்கித் தாக்குதலில் ஏவப்படும் குண்டுகள் பட்டதை எல்லாம் எரிக்கும் தன்மையுடையவையாகவே காணப்படுவதாகவும் படையினர் புதுவகை எரிகுண்டுகளை பயன்படுத்துகின்றனரோ என்ற சந்தேகம் எழுவதாகவும் இணையத்தளம் ஒன்று குறிப்பிட்டுள்ளது.

Read more...

வன்னியில் தங்கியுள்ள மக்களைப் பாதுகாக்க வேண்டியது அவசியம் ஐக்கிய நாடுகள் சபை வலியுறுத்துகிறது

விடுதலைப்புலிகளின் பகுதியிலிருந்து பொதுமக்கள் வெளியேறுகிறார்களோ இல்லையோ அவர்களுக்கு உயிரிழப்பு ஏற்படுவதைத்தவிர்ப்பது முக்கியமானது என ஐக்கிய நாடுகள் சபை தெரிவித்துள்ளது.இலங்கையிலுள்ள ஐக்கிய நாடுகள் அலுவலகத்தின் பேச்சாளர் கோர்டன் வெய்ஸ் இதனைத் தெரிவித்தார். அவர் மேலும் தெரிவித்துள்ளவை வருமாறு:

புதுக்குடியிருப்பு மருத்துவமனை கடந்த திங்கட்கிழமை ஷெல் தாக்குதலுக்கு உள்ளானது. இதில் பெண் தாதியொருவர் உட்பட 11 பேர் கொல்லப்பட்டனர்.இந்த ஷெல் எங்கிருந்து வந்தது என்பது உறுதியாகத் தெரியவில்லை. எனினும் இதனால் ஏற்பட்ட இழப்புகள் குறித்து இரு தரப்புகளுக்கும் தெளிவுபடுத்தியுள்ளோம். ஆனால் இன்னமும் தாக்குதல் நிறுத்தப்படவில்லை.புதுக்குடியிருப்பு ஆஸ்பத்திரியில் 600 நோயாளர்கள் மருத்துவமனையில் 600 நோயாளர்கள் உள்ளனர். இது தவிர பலர் எந்த நேரத்திலும் காயத்துடன் வருகின்ற நிலைமை. இவர்களுக்கு சிகிச்சையளிக்க முடியாதுள்ளது.
இவ்வாறு காயப்பட்டவர்களை மீண்டும் அரச கட்டுப்பாட்டு மருத்துவமனைக்கு எடுத்துச் செல்வது குறித்து செஞ்சிலுவைக்குழு ஆராய்ந்து வருகின்றது.

மோதல் நடைபெறும் பகுதிகளில் உள்ள மக்களைப் பாதுகாப்பதே எமது முக்கிய முன்னுரிமைப் பணியாகும். மனிதாபிமான உதவிகளுக்கும் உணவு,மருந்து போன்றவற்றைக் கொண்டு செல்வதற்குமே முன்னுரிமை அளிக்கின்றோம். இன்னமும் நான்கு மருத்துவமனைகள் உள்ளன. அவற்றில் போதியளவு மருந்துகள் இருப்பதை உறுதிசெய்ய வேண்டியுள்ளது.

பத்து பதினைந்து தடவைகள் இடம்பெயர்ந்துள்ளனர். பலர் 10,15 தடவைகள் இடம்பெயர்ந்துள்ளனர். அவர்களுக்குப் போதிய தங்குமிடங்களோ, உணவோ இல்லை. மருத்துவ நிலையங்கள் கடும் அழுத்தங்களுக்கு உள்ளாகியுள்ளன. கடந்த சில வாரங்களில் மட்டும் காயப்பட்டவர்கள் ஏராளமானோருக்கு அங்குள்ளவர்கள் சிகிச்சையளிக்கவேண்டி ஏற்பட்டுள்ளது. கடந்த இரு வாரங்களில் அதிகமானவர்கள் கொல்லப்பட்டமையை ஐக்கிய நாடுகளின் பணியாளர்கள் கண்டுள்ளனர். இலங்கையில் மோதல் நடைபெறும் பகுதியொன்றில் மக்கள் சிக்குப்பட்டுத் தப்ப முடியாமல் இருந்தமை இதுவே முதல் தடவை.
பொதுமக்கள் விடுதலைப் புலிகளின் பகுதிகளிலிருந்து வெளியேறுகிறார்களோ இல்லையோ சர்வதேச மனிதாபிமான சட்டம்,யுத்த சட்டத்தின்படி அவர்களுக்கு உயிரிழப்புகள் மற்றும் பாதிப்புகளை ஏற்படுத்தும் நடவடிக்கையை இருதரப்பும் தவிர்க்கவேண்டும்.

Read more...

மரங்களிலும் வீதிகளிலும் மனித மாமிசங்கள் சிதறி காணப்படுகிறது – வன்னி சென்று திரும்பியுள்ள மதகுரு

வன்னியில் மக்கள் தஞ்சமடைந்துள்ள பகுதிகளை நோக்கி இலங்கை படையினர் தொடர்ந்தும் எறிகணை தாக்குதல்களை மேற்கொண்டு வருதாகவும் விசேடமாக புதுக்குடியிருப்பு – பரந்தன் வீதியில் வழியாக அரசாங்கம் அறிவித்துள்ள பாதுகாப்பு வலய பகுதிக்கு செல்வது மிகவும் ஆபத்தான பயணம் எனவும் வன்னிக்கு சென்று நேற்று முன்தினம் திரும்பியுள்ள மதகுரு ஒருவர் தெரிவித்துள்ளார்.

வீதியில் காணப்படும் மரங்களிலும் வீதிகளிலும் மனித மாமிசங்கள் சிதறி காணப்படுகிறது. பாதுகாப்பு வலய பகுதிகளை நோக்கி மக்கள் வெள்ளம் சென்று கொண்டிருகிறது. மக்கள் கடும் வெயில் மற்றும் மழையிலும் மரத்தடிகளில் வசித்து வருகின்றனர். இவர்களுக்கான உணவு இல்லை. சில மக்கள் சர்வதேச செஞ்சிலுவைச் சங்கத்தின் உணவு களஞ்சியத்தை உடைத்து உணவு பொருட்களை எடுத்துகொண்டுள்ளனர்.

பலர் கடுமையான பட்டினியில் வாடுகின்றனர்.அதேவேளை பாதுகாப்பு வலய பகுதியை நோக்கி தள்ளப்படுவது காட்டுமிரண்டித்தனமான நடவடிக்கை, பாதுகாப்பு வலய பகுதிக்கு செல்லும் அகதிகளுக்கு அரசாங்க அதிகாரிகள் உணவுப் பொருட்களை விநியோகித்து வருகின்றனர்.இதேவேளை இராணுவம் மேற்கொண்ட கடுமையான எறிகணை தாக்குதல்களில் 300 பேர் ஸ்தலத்திலேயே கொல்லப்பட்டனர். பலர் படுகாயமடைந்ததை தன் நேரில் கண்டதாக வன்னி சென்று திரும்பிய மத போதகர் குறிப்பிட்டுள்ளார்.

அனைத்து இடங்களிலும் பெரும் எண்ணிக்கையிலான சடலங்கள் கிடக்கிறது. சடலங்களை எடுத்து அப்புறப்படுத்த எவரும் இருக்கவில்லை அனைவரும் தாக்குதல்கள் காரணமாக பதுங்குகுழிகளுக்கு சென்று பதுங்கியுள்ளனர். எவரும் வெளியில் வருவதில்லை. மூன்று வாரங்கள் அங்கு தங்கியிருந்தது மிகவும் பயங்கரமான ஒரு அனுபவதாக இருந்தது எனவும் அவர் குறிப்பிட்டுள்ளார்.

தனக்கு அந்த அனுபவங்களில் இருந்து இன்னும் மீள முடியவில்லை எனவும் அவர் கூறியுள்ளார். மக்கள் தமது குடியிருப்பாக பதுங்கு குழிகளையே பயன்படுத்தி கொள்கின்றனர். சிறிய துண்டு ரொட்டியையும் தேனீரையுமே அவர்கள் உணவாக அருந்துகின்றனர். இரண்டு நாட்களுக்கு முன்னர் நான் மெனிக்பாம் பிரதேசத்திற்கு விஜயம் செய்தாகவும் அங்கு தங்கியுள்ள மக்களின் நிலைமை மிகவும் அனுதாபத்திற்குரியது. இந்த மக்கள் சிறை கைதிகளை போல் நடத்தப்படுகின்றனர். இந்த மக்களுக்கு வழங்கப்படும் உணவுகளை அவர்கள் உண்கின்றனர். இதனால் கடும் வயிற்றுளைவு பிரச்சினைகள் ஏற்படுகின்றன.

இங்கு தங்கியுள்ள மக்கள் வெளியில் செல்ல அனுமதிக்கப்படுவதில்லை. அவர்கள் குளிப்பதற்கான ஆற்றுக்கு போகிறார்கள். அவர்கள் குளிக்கும் போது ஏழு அல்லது எட்டு இராணுவத்தினர் அவர்களுடன் காணப்படுகின்றனர். பெண்கள் குளிக்கும் போது ஆண்களான இராணுவத்தினர் அவர்களை கண்காணிக்கின்றனர்.

அந்த பெண்களுக்கு அது மிகவும் கொடுரமான குளியல், அதேவேளை நலன்புரி நிலையத்தில் தங்கியுள்ள குழந்தைகளில் பலருக்கு எந்த கல்வி வசதிகளும் பெற்றுக்கொடுக்கப்படவில்லை. தகரத்தினால் அமைக்கப்பட்ட சிறிய அறைகளில் இங்குள்ள மக்கள் தங்க வைக்கப்பட்டுள்ளனர். வெப்பமான நேரங்களில் அதில் தங்கியுள்ள மக்கள் பெரும் சிரமங்களை எதிர்நோக்கி வருகின்றனர்.

இதனை தவிர போதுமாளவு சவர்க்காரம் கொடுக்கப்படுவதில்லை, குழந்தைக்கான உரிய பால் மா வகைகள் கொடுக்கப்படுவதில்லை. அதேவேளை வவுனியாவில் உள்ள நெலுக்குளம் முகாமுக்கும் நான் விஜயம் செய்தேன், அங்கு மக்கள் சிறிய அறைகளில் அடைக்கப்பட்டுள்ளனர். அவர்கள் சிறைக்கைதிகள் போல் நடத்தப்படுகின்றனர்.

அவர்களை பார்ப்பதற்கு எவரும் அனுமதிக்கப்படுவதில்லை. முகாமை சுற்றி இராணுவத்தினர் குவிந்துள்ளனர். இங்குள்ள மக்களுக்கு சில அரசசார்பற்ற நிறுவனங்கள் உதவிகளை வழங்கிய போதும், இந்த உதவி பொருட்கள் தமது தேவையில்லை எனவும் தம்மை மனிதர்களாக வாழ அனுமதிக்க வேண்டும் என இங்குள்ள மக்கள் குறிப்பிட்டுள்ளனர்.

ஒரு அறையில் 17 முதியவர்கள் தங்க வைக்கப்பட்டுள்ளனர். இவர்களில் சிலர் கண் பார்வையற்றவர்கள், சிலருக்கு நடக்க முடியாது, அத்துடன் சிலர் நோயாளர்களாக உள்ளனர். அவர்கள் ஒழுங்காக கவனிக்கப்படுவதில்லை. மிஷனரி சகோதரிகளின் உதவுடன் இவர்களின் 7 பேர் அங்கிருந்து அவர்களது விடுதிக்கு அழைத்துச் செல்லப்பட்டுள்ளனர்.

இதேவேளை வன்னியில் காயமடைந்த நிலையில் அங்கிருந்து வவுனியா வைத்தியசாலைக்கு கொண்டு வரப்பட்டுள்ள நோயர்ளர்களை பார்வையிட சென்றதாகவும் அவர்களை பார்வையிட எவரும் அனுமதிக்கப்படுவதில்லை எனவும் இவர்கள் கடும் பாதுகாப்புக்கு மத்தியில் வவுனியா வைத்தியசாலையில் சிகிச்சை பெற்று வருவதாதகவும் வன்னிக்குசென்று திரும்பிய மத குரு குறிப்பிட்டுள்ளார்.

அவர்களுடன் உதவிக்கு வந்தவர்கள் அங்கிருந்து நேரடியாக நெலுக்குளம் நலன்புரி நிலையத்திற்கு அனுப்பி வைக்கப்படுகின்றனர். மூன்று நாட்களுக்கு முன்னர், 264 பேர் வன்னியில் வவுனியா வைத்தியசாலைக்கு அழைத்து வரப்பட்டனர். இவர்களுடன் மேலும் 154 பேர் நோயாளிகளுக்கு உதவிக்கு சென்றவர்கள் எனவும் இவர்கள் அனைவரும் உடனடியாக நெலுக்குளம் நலன்புரி நிலையத்திற்கு அனுப்பி வைக்கப்பட்டனர்.

இந்த நிலையில் கணவர் வைத்தியசாலையில் இருக்கும் போது மனைவி நலன்புரி நிலையத்திற்கு அனுப்பி வைக்கப்பட்டுள்ளார். இது என்ன கீழ்த்தரமான நடவடிக்கை. கணவர் முகாமில் இருக்கும் மனைவிக்காக வைத்தியசாலையில் இருந்து அழுகிறார். மனைவி கணவருக்காக முகாமில் இருந்தவாறு கண்ணீர் வடிக்கிறார். உண்மையில் இது போன்ற கொடுமையான மனித உரிமை வன்முறையை காணவில்லை.

அரசாங்கம் மக்களை வன்னியில் இருந்து வெளியில் வருமாறு கோருகிறது. இவ்வறானா நிலையில் எப்படி அவர்கள் வருவார்கள். அங்கிருந்த வந்தவர்கள் சிறைக் கைதிகள் போல் நடத்தப்படுகின்றனர். நலன்புரி நிலையங்களில் தங்கியுள்ளவர்கள் அங்கிருந்ததை விட இங்கு தாம் பெரும் துன்பத்தை அனுபவிப்பதாக கூறியுள்ளதாகவும் வன்னி சென்று திரும்பியுள்ள மதகுரு தெரிவித்துள்ளார்.

Globaltamilnews

Read more...

சிவிலியன்கள் பாதுகாக்கப்பட வேண்டும் : தென் ஆபிரிக்கா

இலங்கையில் சிவிலியன்களின் பாதுகாப்பு உறுதிப்படுத்தப்பட வேண்டுமென தென் ஆபிரிக்கா கோரிக்கை விடுத்துள்ளது. சர்வதேச மனிதாபிமான நியமங்களுக்கு அமைவாக யுத்தத்தில் ஈடுபட்டு வரும் அரசாங்கமும், விடுதலைப் புலிகளும் செயற்பட வேண்டுமென தென் ஆபிரிக்கா சுட்டிக்காட்டியுள்ளது.
யுத்த பிரதேசத்தில் சிக்கியுள்ள 250,000 சிவிலியன்கள் மற்றும் தொண்டு நிறுவன பணியாளர்கள் தொடர்பில் தமது அரசாங்கம் கவனம் செலுத்தி வருவதாக தென் ஆபிரிக்க வெளிவிவகார அமைச்சு அறிக்கையின் மூலம் தெரிவித்துள்ளது.
யுத்த நடவடிக்கைகளின் போது படுகொலை செய்யப்பட்ட சிவிலியன்கள் தொடர்பில் தாம் வேதனையடைவதாகவும், உயிரிழந்தவர்களின் குடும்பங்களுக்குத் தமது ஆழந்த அனுதாபங்களைத் தெரிவித்துக் கொள்வதாகவும் அந்த அறிக்கையில் குறிப்பிடப்பட்டுள்ளது.
இலங்கையில் சமாதானத்தை நிலைநாட்ட தென் ஆபிரிக்க அரசாங்கம் தொடர்ச்சியாக ஒத்துழைப்பு வழங்கும் என தெரிவிக்கப்படுகிறது. நிரந்தர சமாதானத்தை நிலைநாட்ட வேண்டுமாயின் அனைத்து தரப்பினரும் பேச்சுவார்த்தைகளின் மூலம் இணக்கப்பாடொன்றை எட்ட வேண்டும் எனவும், சமாதானப் பேச்சுவார்த்தைகளின் மூலம் நிரந்தர சமாதானத்தை எட்டுமாறும் தென் ஆபிரிக்கா மீண்டுமொரு தடவை கோரிக்கை விடுத்துள்ளது.

Read more...

மோதல்கள் இடம்பெறும் பகுதிகளில் சிறுவர்கள் கொல்லப்பட்டும் காயமடைந்தும் வருகின்றனர்:யுனிசெப்பின் தெற்காசிய பிராந்தியத்திற்கான இயக்குநர்

மோதல்கள் இடம்பெற்று வருகின்ற பிரதேசங்களில் கடந்த 10 தினங்களில் பெருந்தொகையான சிறுவர்கள் கொல்லப்பட்டும் காயமடைந்தும் உள்ளனர் என்று ஐக்கிய நாடுகள் சபையின் சிறுவர்களுக்கான அமைப்பான யுனிசெப் தெரிவித்துள்ளது.

இது தொடர்பில் ஐக்கிய நாடுகள் சபையின் சிறுவர் நலன் தொடர்பான யுனிசெப் அமைப்பின் தெற்காசிய பிராந்திய இயக்குநர் டேனியல் தூல் பி.பி.சி. செய்திச் சேவைக்கு நேற்று திங்கட்கிழமை வழங்கிய செவ்வியிலேயே மேற்கண்டவாறு தெரிவித்துள்ளார். இது தொடர்பில் அவர் மேலும் தெரிவித்திருப்பதாவது:

"இலங்கையின் வடக்கே புலிகளுக்கும் இராணுவத்தினருக்கும் இடையில் இடம்பெறுகின்ற கடும் மோதல்களின் காரணமாக அதிகமான எண்ணிக்கையில் சிறுவர்கள் கொல்லப்படவோ அல்லது காயமடையவோ நேரிடுகிறது.

மோதலில் ஈடுபட்டுள்ள இரு தரப்பினரும் பொது மக்களின் பாதுகாப்பினையும் சிறுவர்களின் பாதுகாப்பினையும் உறுதிப்படுத்த வேண்டிய தேவை பரந்தளவில் உள்ளது. அதற்கு முன்னுரிமை வழங்கப்பட வேண்டியது அவசியமாகும். மோதல்கள் நடைபெறும் பகுதிகளில் சில மாதங்களே ஆன குழந்தைகள் கூட இருக்கும் நிலையில் அவர்களின் பாதுகாப்பே மிகவும் முக்கியமானது. அங்கு இருதரப்பினருக்குமிடையே இடம்பெற்றுவரும் மோதல்களில் சிறுவர்கள் சிக்குண்டுள்ளனர் என்பது தொடர்பில் யுனிசெப்பிடம் தெளிவான ஆதாரங்கள் இருக்கின்றன.

பாதுகாப்பான பகுதிகள், பாடசாலைகள் மற்றும் மருத்துவ வசதிகள் வழங்கப்படும் இடங்கள் சமாதான வலயங்களாகக் கருதப்பட்டு பாதுகாக்கப்பட வேண்டும். தங்களுக்கு சிறிதும் தொடர்பில்லாத மோதல்கள் ஏற்படுத்தும் விளைவுகள் சிறுவர்களையே பெருமளவு பாதித்துள்ளன. மோதல் நடைபெறுகின்ற பகுதி மேலும் குறுகிச் செல்லும் நிலையில் அங்கு சிக்குண்டுள்ள பல்லாயிரக்கணக்கான சிறுவர்களின் நிலை குறித்து யுனிசெப் ஆழ்ந்த கவலை கொண்டுள்ளது.

அதேவேளை, சர்வதேச அமைப்புக்களினால் வெளியிடப்படும் எண்ணிக்கைகள் மிகைப்படுத்தியுள்ளன என்றும் அந்த அமைப்புக்கள் தேவையில்லாது பதற்றமடைவதாகவும் இலங்கையின் பாதுகாப்பு செயலர் கோத்தபாய ராஜபக்ஷ தெரிவித்துள்ளார். எனினும், மோதல்கள் இடம்பெறும் பகுதிகளில் இருக்கின்ற 2 இலட்சத்து 50 ஆயிரத்திற்கும் அதிகமான பொதுமக்கள் தம்முடனேயே இருக்க விரும்புவதாக விடுதலைப் புலிகள் தெரிவிக்கின்றனர். ஆனாலும், பொதுமக்களை விடுவிக்க விடுதலைப் புலிகள் முன்வர வேண்டும் என அரசாங்கம் தொடர்ந்து கோரி வருகின்றது. பொதுமக்களுக்கான பாதுகாப்பை வழங்குவதற்கு அரசாங்கம் தயாராகவே இருக்கின்றது என்று ஜனாதிபதி மஹிந்த ராஜபக்ஷவும் கூறுகின்றார்". இவ்வாறு அந்த அறிக்கையில் தெரிவிக்கப்பட்டுள்ளது.

வீரகேசரி

Read more...

வன்னி மக்கள் பாதுகாப்பை உறுதிப்படுத்துமாறு அமெரிக்க செனட் சபை உறுப்பினர்கள் கோரிக்கை

வன்னியில் சிக்கியுள்ள அப்பாவி பொதுமக்களின் பாதுகாப்பில் இலங்கை அரசாங்கமும் தமிழீழ விடுதலைப் புலிகளும் கூடிய கவனம் செலுத்த வேண்டுமென அமெரிக்க செனட் சபையைச் சேர்ந்த இரு உறுப்பினர்கள் வேண்கோள் விடுத்துள்ளனர்.

வெளிவிவகார உறவுகள் தொடர்பான செனட்சபை கமிட்டித் தலைவரான ஜோன்கெரி மற்றும் றிச்சர்ட் லுகர் ஆகியோரே இந்த வேண்டுகோளை விடுத்துள்ளனர். அவர்கள் தமது வேண்டுகோளில்,'வன்னி; யுத்தப் பகுதியில் சிக்கியுள்ள அப்பாவி மக்கள் பாதுகாப்புத் தொடர்பில் இலங்கை அரசாங்கமும் தமிழீழ விடுதலைப் புலிகளும் உடனடி நடவடிக்கையை மேற்கொண்டு அவர்களின் பாதுகாப்பை உறுதிப்படுத்த வேண்டும்.

நிவாரணம் வழங்கும் நிறுவனங்கள், வெளிநாட்டுத் தூதுவர்கள், வெளிநாட்டு செய்தியாளர்கள் தொடர்பில் இலங்கை அரசாங்கம் அண்மையில் விடுத்திருந்த அறிக்கையானது கவலை தருவதாக உள்ளது" என்று தெரிவித்துள்ளனர்.

அண்மைக்காலமாக இலங்கையில் ஊடகவியலாளர்கள், ஊடக நிறுவனங்கள் மீது மேற்கொள்ளப்பட்டு வரும் தாக்குதல்கள் குறித்தும் தமது கவலையை அவர்கள் வெளியிட்டுள்ளனர்.

Read more...

வன்னி நிலைமை குறித்து பிரித்தானியா கவலை

வன்னி மக்களின் துன்பநிலை குறித்து பிரித்தானிய அரசாங்கம் கவலையடைந்திருப்பதாக பிரித்தானிய அமைச்சர்களான டேவிட் மில்லிபான்ட் மற்றும் மார்க் மல்லோக் பிரவுணும் தெரிவித்துள்ளனர்.

இலங்கைக்கான சர்வகட்சி பாராளுமன்றக் குழு மற்றும் பிரத்தானிய தமிழ் மன்றமும் இணைந்து ஏற்பாடு செய்திருந்த புலம்பெயர்ந்த தமிழர்களுக்கான கூட்டமொன்றில் கலந்துகொண்டு உரையாற்றுகையிலேயே அவர்கள் இவ்வாறு குறிப்பிட்டனர்.

தமிழ் சமூகத்தின் உரிமைகளை பாதுகாக்கும் அரசியல்த் தீர்வொன்றை இலங்கை முன்வைக்கவேண்டுமென்பதுடன், தமிழ் மக்களின் சகல உரிமைகளும் மதிப்பளிக்கப்படவேண்டுமெனவும் பிரித்தானிய வெளிவிவகார அமைச்சர் டேவிட் மில்லிபான்ட் கோரியுள்ளார்.

அத்துடன், ஊடகவியலாளர்கள் சுயாதீனமாக செயற்படவேண்டுமெனக் கூறிய மில்லிபான்ட், முதலில் இலங்கையில் இடம்பெற்றுவரும் கொலைகள் நிறுத்தப்படவேண்டுமென்பதுடன், கொலைகளை நிறுத்த தமக்குள்ள சகல சாத்தியமான வழிமுறைகளையும் பயன்படுத்துவோமெனவும்; குறிப்பிட்டார்.

இலங்கையின் நிலைவரத்தை மனிதாபிமான நெருக்கடியெனக் குறிப்பிட்ட டேவிட் மில்லிபான்ட், ஒவ்வொரு பொதுமகன் உயிரிழப்பதையும் பிரித்தானியா கண்டிப்பதாகவும் கூறியுள்ளார். 

இதேவேளை, படுகொலைகளை முடிவுக்கு கொண்டுவருமாறு பிரித்தானிய அரசாங்கம் வேண்டுகோள் விடுத்தாலும், இலங்கையில் இடம்பெறுவது உள்நாட்டு மோதலென்பதால், வெளிநாட்டு அரசாங்கமொன்று இதில் தலையிடுவது மட்டுப்படுத்தப்பட்டதொன்றெனவும் பிரித்தானிய பிரதி வெளிவிவகார அமைச்சர் மல்லோக் பிரவுண் தெரிவித்தார்.

இலங்கையில் இனப்படுகொலைக்கு எதிராக நடவடிக்கை எடுப்பதில் பிரித்தானியா தோல்வி கண்டுவிட்டதென பிரித்தானிய தமிழ்ச் சமூகம் தெரிவித்த குற்றச்சாட்டை இந்த இரு அமைச்சர்களும் நிராகரித்துள்ளனர்.

Read more...

வன்னி மக்களை அரசாங்கமே பாதுகாக்க வேண்டும்: மனித உரிமைகள் அமைப்பு

வன்னியிலிருக்கும் பொதுமக்களை பாதுகாக்கும் பொறுப்பை இலங்கை அரசாங்கம் தட்டிக்கழிக்கமுடியாதென மனித உரிமைகள் கண்காணிப்பகம் சுட்டிக்காட்டியுள்ளது.

வன்னியில், சிறிய பகுதியில் சிக்கியிருக்கும் பொதுமக்கள் பாதுகாப்பாக வெளியேறவும், அவர்களுக்கான மனிதாபிமான உதவிகள் தடையின்றிக் கிடைப்பதற்கும் உடனடியாக நடவடிக்கை எடுக்குமாறும்; விடுதலைப் புலிகள் மற்றும் அரசாங்கத் தரப்பினரிடமும் மனித உரிமைகள் கண்காணிப்பகத்தின் ஆசியாவுக்கான பணிப்பாளர் பிரட் அடம்ஸ் வலியுறுத்தியுள்ளார். 

வன்னியில் பாதுகாப்பு வலயத்தில் சிக்கியிருக்கும் இலட்சக்கணக்கான பொதுமக்களின் நிலைமை ஆபத்தானதாக மாறிவருவதாகக் கூறிய பிரட் அடம்ஸ், அதிக எண்ணிக்கையான பொதுமக்கள் உயிரிழப்பதைத் தடுப்பதற்கான நடவடிக்கையை விடுதலைப் புலிகள் மற்றும் அரசாங்கத் தரப்பினரும் மேற்கொள்ளவேண்டுமெனவும் கோரிக்கை விடுத்துள்ளார்.  

அத்துடன், போர் விதிமுறைகளுக்கமைய இலங்கை அரசாங்கமும், விடுதலைப் புலிகளும் நடந்துகொள்ளவேண்டுமெனவும் மனித உரிமைகள் கண்காணிப்பகத்தின் ஆசியாவுக்கான பிரட் அடம்ஸ் குறிப்பிட்டுள்ளார்.

இதேவேளை, வன்னியில் இடம்பெற்றுவரும் மோதல்களில் அதிகளவில் பொதுமக்கள் உயிரிழந்தும், காயமடைந்தும் இருப்பதாக சர்வதேச நிவாரண முகவரமைப்புக்கள் குற்றஞ்சாட்டியுள்ளன. 

Read more...

வன்னி எறிகணைவீச்சில் அமெ.-இலங்கை திருச்சபை மதகுரு காயம்

வன்னியில் தொடரும் எறிகணை வீச்சு மற்றும் விமானத் தாக்குதல்களினால் சுதந்திரபுரத்திலுள்ள அமெரிக்கன் இலங்கை திருச்சபையின் தேவாலயம் சேதமடைந்துள்ளதோடு - மதகுரு ஒருவர் உட்பட அங்கு தங்கியிருந்த சிலர் காயமடைந்துள்ளதாகத் தகவல்கள் தெரிவிக்கின்றன.

முருகண்டி பிரதேச பங்குத் தந்தையான அருட்திரு எஸ்.ஐ.ஆனந்தராஜா என்பவரே காயமடைந்த மதகுரு என்றும் சர்வதேச செஞ்சிலுவைச் சங்கத்தின் உதவியுடன் இவர் அழைத்து வரப்பட்டுள்ளதாகக் கூறப்படுகின்றது. , நேற்றிரவு இடம்பெற்ற எறிகணை வீச்சுத் தாக்குதல்களின் போது இரண்டு கால்களிலும் படுகாயமடைந்த இவருக்கு இன்று காலை இடம்பெற்ற விமானத் தாக்குதலிலும் வயிற்றில் காயமேற்பட்டுள்ளது.

இந்தச் சம்பவத்தை உறுதிப்படுத்தியுள்ள அமெரிக்கன் இலங்கைத் திருச்சபை, தங்கள் பராமரிப்பிலுள்ள மூன்று சிறுவர்களும் இந்த தாக்குதல்களின் போது காயமடைந்துள்ளதாகத் தெரிவித்திருக்;கின்றது.

அதே வேளை, வன்னியில் யுத்த சூழ்நிலை காரணமாக பாதிக்கப்பட்டு இடம் பெயர்ந்துள்ள மக்களுக்கு நிவாரண உதவிகளை வழங்கினால் மட்டும் போதாது, சகல தரப்பினரும் பேதங்களை மறந்து யுத்த நிறுத்தமொன்றுக்கான அழுத்தத்தைக் கொடுக்க முன்வர வேண்டும் என அமெரிக்கன் இலங்கை மிஷன் தலைவரான அருட்கலாநிதி எஸ். ஜெயநேசன் கோரிக்கை விடுத்துள்ளார்

கிழக்கு மாகாண முதலமைச்சர் ஆரம்பித்துள்ள நிவாரணத் திட்டத்திற்கு ஒரு தொகுதி நிவாரணப் பொருட்களை இன்று மாநகர முதலவர் சிவகீத்தா பிரபாகரனிடம் கையளித்த பின்பு இக்கருத்தை அவர் செய்தியாளர்களிடம் வெளியிட்டார். வன்னியில் யுத்த சூழ்நிலை காரணமாக தொடரும் உயிரிழப்புகள் மற்றும் காயமடைதல் தொடர்பான செய்திகள் நாளாந்தம் வெளிவந்து கொண்டிருக்கின்றன. இது வேதனையைத் தருகின்றது. இந்த நிகழ்வு இடம்பெறுவதற்குச் சில நிமிடங்களுக்கு முன்பு எமக்கு கிடைத் தகவலின்படி எமது தேவாலயமொன்று சேதமடைந்துள்ளது. மதகுரு ஒருவரும் எமது பராமரிப்பிலிருந்த மூன்று சிறார்களும் காயமடைந்துள்ளார்கள் எனத் தெரிகிறது.

இதனைத் தவிர அங்கு தங்கியிருந்த சிலர் கொல்லப்பட்டுள்ளதாகவும் பலர் காயமடைந்துள்ளதாகவும் அறிய முடிகின்றது என்றும் அவர் குறிப்பிட்டார்.

Read more...